Վարդենիսում զոհվածի հորը մինչև 400 հազար դրամ հարկել են․ բողոքի ակցիայի մասնակից

Գեղարքունիքի մարզի բնակիչներն այս պահին փակել են Երևան-Մարտունի ճանապարհը։ Նրանք բողոքում են նոր օրենքի դեմ, ըստ որի՝ արտագնա աշխատանքի մեկնածները պետք է ՀՀ-ում հարկ վճարեն․

«Ժողովրդի ձայնը չեն լսում, անսպասելի մարդկանց ուզում են հարկեն, գոնե մեկը տեղեկացվա՞ծ է հարկերի մասին այդ օրենքից։ Անսպասելի, «սյուրպրիզ» ձևով վերցրել, ուղարկել են մարդկանց կոնկրետ գումարներ՝ սկսած 300-400 հազարից։ Մարդիկ Ռուսաստանում 13 տոկոս եկամտահարկ են վճարել, հիմա էլ պետք է էստեղ վճարե՞ն»,- իր խոսքում այս մասին ասաց ակցիայի մասնակիցներից մեկը։

Մասնակիցը նաև պատմեց, որ 2022 թվականին Ադրբեջանի հարձակման հետևանքով Վարդենիսում զոհվածի հորը մինչև 400 հազար դրամ հարկել են․

«Էդ մարդն իր սուգի հետ էդ ամենի միջով է անցնում։ Նախ օրենք ընդունելուց ժողովրդին տեղեկացնում են։ Հիմա մենք պահանջում ենք արդարություն»,- իր բողոքն արտահայտեց բնակիչը։