Փաշինյանը խաբե՞լ է. Անդրանիկ Քոչարյանի բացահայտումը
Վերլուծական
Նիկոլ Փաշինյանը Տավուշ կատարած իր վերջին այցելության ընթացքում հայտարարել էր, որ եթե չորս գյուղերը չհանձնվեն Ադրբեջանին, ապա շաբաթվա վերջ պատերազմ է սկսվելու:
Ժամանակն անցավ, պատերազմ, սակայն, այդպես էլ չսկսվեց: Սակայն, վերջին օրերին սահմանին կրկին անհանգիստ է, ադրբեջանական կողմը շարունակում է կրակ բացել Գեղարքունիքի, Տավուշի և Սյունիքի հայկական դիրքերի և բնակավայրերի ուղղությամբ: Չնայած այս հանգամանքին, ԱԺ պաշտպանության և անվտանգության հարցերի մշտական հանձնաժողովի նախագահ, Փաշինյանի թիմակից Անդրանիկ Քոչարյանը, փաստացի հերքելով իր ղեկավարին, պնդում է, որ էսկալացիայի վտանգ սահմանին չկա:
Համաձայնեք՝ տարօրինակ իրավիճակ է: Երկրի վարչապետը հայտարարում է, որ Ադրբեջանը պատերազմի է պատրաստվում, որ սահմանին պատերազմի վտանգը մեծ է, իսկ նրա թիմակիցը պնդում է հակառակը, որ ամեն ինչ հանգիստ է և ոչ մի էսկալացիա էլ չի սպասվում: Ստացվում է, որ կա՛մ Փաշինյանն էր ստում և տավուշցիների շրջանում խուճապ տարածում, կա՛մ Անդրանիկ Քոչարյանն է հանրության գլխի տակ փափուկ բարձ դնում՝ փորձելով սրբագրել, կամ եթե կուզեք՝ քողարկել իր քաղաքական թիմի ձախողումները, որոնց արդյունքում էլ պատերազմի վտանգն այսօր կրկին թակել է հայ ժողովրդի դուռը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
