ՕԽ-2024․ Բարսեղյանը չկարողացավ հաղթահարել որակավորման փուլը

2024 թվականի Փարիզում ընթացող ամառային 33-րդ Օլիմպիական խաղերում լողի 100 մետր ազատ ոճի մրցաշարում Հայաստանի ներկայացուցիչ Արթուր Բարսեղյանը չկարողացավ հաղթահարել որակավորման փուլը։

Բարսեղյանը լողի 100 մետր ազատ ոճում գրանցեց 51.54 վայրկյան արդյունքը և պայքարն ավարտեց 56-րդ տեղում։

Նշենք, որ լողի 100 մետր ազատ ոճի որակավորման փուլին մասնակցում էին 79 լողորդ։ Մրցապայքարում լավագույն արդյունքը գրանցեց ԱՄՆ-ի թիմի ներկայացուցիչ, օլիմպիական ոսկե մեդալակիր  Ջեք Ալեքսին՝ 47.57 վայրկյան։

Աղբյուրը՝ Armsport.am: