Ըստ Վարդան Բադալյանի՝ ԲՀԿ–ն կդնի թեկնածությունը, իսկ Օլգա Այվազյանը քաղաքականությամբ չի զբաղվում

Վերջին շրջանում ամենարդիական հարցերից մեկն այն է, թե ԲՀԿ-ն կդնի՞ թեկնածությունը, թե՞ ոչ։ Հարցն այս անգամ փորձեցինք ուղղել շոու բիզնեսի ներկայացուցիչներին: Երգչուհի Օլգա Այվազյանն ասաց. «Ուրիշ թեմա լինի պոժալուստա համացեք, բայց չեմ սիրում քիթս մտցնեմ քաղաքականության մեջ»,-ասաց նա:

Իսկ մի՞թե որպես քաղաքացի ձեզ հետաքրքիր չէ, թե սպասվող նախագահական ընտրություններին ով կդնի իր թեկնածությունը հարցին վերջինս արձագանքեց. «Ես որպես քաղաքացի էլ չեմ ուզում պատասխանեմ այդ հարցերին: Ես քաղաքականությամբ չեմ զբաղվում»:

Երգիչ Վարդան Բադալյանի համար թեև էական չի ԲՀԿ-ն կդնի թեկնածությունը, թե ոչ, այդուամենայնիվ, ունի իր կանխատեսումները.

«Ես ո՛չ խորանում, ո’չ էլ հետաքրքրվում եմ քաղաքականությամբ, մանավանդ, որ հաշվի առնենք, որ ես այստեղի քաղաքացի չեմ և ընտրող չեմ: Ես կարծում եմ, որ, այո՛, ԲՀԿ-ն կդնի թեկնածությունը: Ու կարծում եմ, որ պայքարը դժվար կլինի: Անկեղծ ասած, իմ համար միևնույն է՝ կդնի, թե չի դնի»:

slaq.am