138 երկիր, այդ թվում՝ Հայաստանը, ճանաչեցին Պաղեստինը որպես ՄԱԿ-ի դիտորդ երկիր

ՄԱԿ-ի Գլխավոր ասամբլեան շնորհել է Պաղեստինին ՄԱԿ-ի ոչ անդամ դիտորդ երկրի կարգավիճակ. գրում է The Guardian-ը:

Նոյեմբերի 29-ին պաղեստինցիների հետ համերաշխության միջազգային օրը կայացած պատմական քվեարկությամբ Պաղեստինի տարածքները դիտորդ-առաքելություն կարգավիճակից ստացել են մեկ աստիճանով բարձր, այն է՝ ոչ անդամ դիտորդ երկրի կարգավիճակ, ինչը բուռն հակազդեցության է հանդիպել ԱՄՆ-ի և Իսրայելի կողմից:

Այս պատմական հաղթանակը կայացավ Ասամբլեայի կողմից ընդունված բանաձևի 65-ամյակին, որով ստեղծվել էր Իսրայել պետությունը՝ 1947-ին բաժանելով բրիտանական մանդատն իսրայելական և պաղեստինյան պետությունների:

Սա հանդիսանում է նաև «Ֆատահ» կուսակցության դիվանագիտական հաղթանակը պետություն ստեղծելու ճանապարհին այն բանից հետո, ինչ իր հակառակորդ «Համաս» կուսակցությունը գտնվում էր բոլորի ուշադրության կենտրոնում Գազայի վերջին հակամարտության ընթացքում:

Նշենք նաև, որ այս կարգավիճակը նույն կարգավիճակն է, ինչ Վատիկանն ունի այժմ:

Ներկայացնենք ստորև The Guardian-ի հրապարակած Գլխավոր ասամբլեայում կայացած քվեարկության արդյունքները.

193 պետությունից 138-ը քվերակել է կողմ (ինչպես նաև Հայաստանի Հանրապետությունը՝ ելնելով ներքոնշյալ արդյունքների տրամաբանությունից, Լուրեր.com-ի խմբ.), 41-ը՝ ձեռնպահ, 9-ը՝ դեմ:

Ձեռնպահ է քվեարկել 41 պետություն՝ Ալբանիա, Անդորրա, Ավստրալիա, Բահամյան կղզիներ, Բարբադոս, Բոսնիա և Հերցեգովինա, Բուլղարիա, Կամերուն, Կոլումբիա, Խորվաթիա, Կոնգոյի Ժողովրդավարական Հանրապետություն, Էստոնիա, Ֆիջի, Գերմանիա,Գվատեմալա, Հաիթի, Հունգարիա, Լատվիա, Լիտվա, Մալավի, Մոնակո, Մոնղոլիա, Մոնտենեգրո, Նիդեռլանդներ, Պապուա-Նոր Գվինեա, Պարագվայ, Լեհաստան, Կորեայի Հանրապետություն, Մոլդովա, Ռումինիա, Ռուանդա, Սամոա, Սան Մարինո, Սինգապուր, Սլովակիա, Մակեդոնիա, Տոգո, Տոնգա, Միացյալ Թագավորություն և Վանուատու:

Դեմ են քվեարկել հետևյալ 9 պետությունները՝ ԱՄՆ, Իսրայել, Պանամա, Պալաու, Կանադա, Մարշալյան կղզիներ, Նաուրու, Չեխիայի Հանրապետություն և Միկրոնեզիա: