Հայտնի հայամետ թուրք գործիչը՝ ԱՄՆ-ի Ներկայացուցիչների պալատում

Հայտնի հայամետ գործիչ Էդ Ռոյսն ընտրվել է ԱՄՆ Ներկայացուցիչների պալատի Արտաքին հարաբերությունների հանձնաժողովի նախագահի պաշտոնում, ինչն անհանգստություն է առաջացրել Թուրքիայում:

Մասնավորապես թուրքական Haberler.com-ը տեղեկացնում է, որ Ռոյսը մեծ ավանդ ունի ԱՄՆ-ի Կոնգրեսում հակաթուրքական զեկույցների պատրաստման ու ընդունման գործում: Ռոյսը միաժամանակ հանդիսանում է Կոնգրեսի Հայկական հարցերով հանձնախմբի համանախագահը:

Թուրքական պորտալը նշում է, որ Ռոյսն ընտրվել է հայկական լոբբիստական կազմակերպությունների աջակության շնորհիվ՝ փոխարինելով 2010 թվականից այս պաշտոնում գտնվող թուրքամետ Ռոս-Լեհտինենին:

Haberler.com-ը ընդծում է, որ Ռոյսն այն անձանցից էր, ով ներկայացրել էր Ներկայացուցիչների պալատի Արտաքին հարաբերությունների հանձնաժողովի կողմից ընդունված «Եկեղեցիների վերադարձը» վերնագրով զեկույցը, որը պարտավորեցնում էր Թուրքիային «հարգանք ցուցաբերել երկրում քրիստոնյաների իրավունքների նկատմամբ», իսկ զեկույցի ներկայացման ժամանակ Ռոյսը խստորեն մեղադրել էր Թուրքիային՝ քրիստոնյաների ազատությունները ոտնահարելու մեջ:

«Այս ամենի հետ մեկտեղ Ռոյսն այն մարդկանցից էր, ով իր ստորագրությունն էր դրել Օբամային ուղղված նամակում, որում կոչ էր արվում ապրիլքսանչորսյան հայտարարության մեջ ճանաչել Հայոց ցեղասպանությունը»,-ավելացնում է թուրքական պորտալը: