Մերկուրիի վրա սառույց է հայտնաբերվել. NASA

MESSENGER միջմոլորակային կայանը, որը նախատեսված է Արեգակին ամենամոտ գտնվող մոլորակներն ուսումնասիրելու համար, սառույց է հայտնաբերել Մերկուրի մոլորակի ստվերոտ բևեռային խառնարաններում: Այս մասին հաղորդում է РБК-ն՝ հղում կատարելով NASA-ի «Տիեզերական տարածության ուսումնասիրման և օդագնացության ազգային գործակալության» մամլո ծառայությանը:

Հաշվի առնելով Մերկուրիի մոտ լինելը Արեգակին՝ կարելի է ենթադրել, որ այդ մոլորակի վրա հնարավոր չէ սառույց գտնել: Սակայն իր առանցքի շուրջ մոլորակի պտույտի թեքությունը գրեթե զրոյական է (1.01 աստիճան), ինչի հետևանքով նրա բևեռային հատվածներում «գրպանիկներ)» են մնում, ուր արևի ճառագայթները գրեթե չեն հասնում: Մերկուրիի վրա ջրի առկայության հնարավորությունը գիտնականներն առաջ էին քաշել դեռևս մի քանի տարի առաջ:

MESSENGER-ից ստացված թարմ տվյալները թույլ են տալիս ասել, որ սառույցը Մերկուրիի բևեռային խառնարանների հիմնական բաղադրությունն է: Սառույցը ծածկում է այդ խառնարանների մակերեսը:

Նշենք, որ MESSENGER-ը տիեզերք է բաց թողնվել 2004-ի օգոստոսի 3-ին ԱՄՆ-ից: 2011թ. մարտի 18-ին նա հաջողությամբ դուրս եկավ Մերկուրիի ուղեծիր: