ԱՄՆ-ն Ուկրաինային աջակցության նոր փաթեթ կհատկացնի

Միացյալ Նահանգները հայտարարել է Ուկրաինային 400 մլն դոլարի ռազմական օգնության նոր փաթեթի մասին՝ Խարկովի ուղղությամբ Ուկրաինայի զինված ուժերի պաշտպանական գիծը ճեղքելու ռուսական զորքերի փորձի ֆոնին։

Փաթեթը ներառում է բարձր շարժունակ հրետանային հրթիռային համակարգեր և հրթիռներ, Patriot և ՀՕՊ համակարգերի զինամթերք, հրետանի, հակաօդային և հակատանկային զինամթերք, ինչպես նաև զրահատեխնիկա, այդ թվում՝ Bradleys և տրանսպորտային միջոցներ։

Ուկրաինայի նախագահ Վոլոդիմիր Զելենսկին, ինչպես հայտնել ենք, երեկոյան ելույթի ժամանակ ասել է, որ ուկրաինական զինված ուժերը «ուժեր են ավելացնում» Խարկովի ուղղությամբ և ապահովում են ամեն ինչ՝ դիրքերը պաշտպանելու համար։

Խարկովի մարզում ռուսական բանակի կողմից լուրջ բեկումներ նույնպես ԱՄՆ-ն չի ակնկալում։ Այս մասին ուրբաթ օրը կայացած ճեպազրույցում հայտարարել է Սպիտակ տան ազգային անվտանգության հաղորդակցությունների համակարգող Ջոն Քիրբին։

«Ռուսաստանը կարող է հետագա առաջընթաց գրանցել առաջիկա շաբաթների ընթացքում: Բայց մենք չենք ակնկալում լուրջ առաջընթացներ, և ժամանակի ընթացքում ամերիկյան օգնության հոսքը թույլ կտա Ուկրաինային դիմակայել այդ հարձակումներին մինչև 2024 թվականի ավարտը», - ասել է Քիրբին։

Այս թեմայով Թուրքիան տարաձայնություններ ունի ԱՄՆ-ի հետ․ Էրդողան ԱՄՆ-ն կոչ է անում իր քաղաքացիներին անհապաղ լքել Լիբանանը «Նույն հայհոյանքները դատախազն ասաց նոր, մեր դեպքում հանցագործություն է, իրենց դեպքում`ո'չ». Սամսոնյան (տեսանյութ) Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ ԱՄՆ-ի Փիթսբուրգ քաղաքը սեպտեմբերի 21-ը հայտարարել է «Հայաստանի ազգային օր»