Ստրոս-Կանի փաստաբանները հերքել են սպասուհու հետ հաշտության մասին լուրերը

Արժույթի միջազգային հիմնադրամի նախկին նախագահ Դոմինիկ Ստրոս-Կանի դատապաշտպանները հերքել են մամուլում հայտնված մեղադրյալի և ամերիկյան հյուրանոցի սպասուհու միջև ձեռքբերված համաձայնության մասին լուրերը:

Նրանց խոսքերով՝ Ստրոս Կանի և Նաֆիսատու Դիալոյի միջև բանակցություններն իսկապես շարունակվում են, սակայն վերջնական որոշում այս գործով դեռ չի կայացվել: Փաստաբանները հայտարարում են, որ 6 միլիոն դոլար փոխհատուցման մասին լուրերն իրականությանը չեն համապատասխանում:

Հիշեցնենք, որ Սթրոս-Կանը ձերբակալվել էր 2011 թվականի մայիսի 14-ին սպասուհի Նաֆիսատու Դիալոյի հայցի հիման վրա, որը դիմել էր ոստիկանություն բողոքով առ այն, որ բարձրաստիճան պաշտոնյան սեռական բնույթի բռնի գործողություններ է կատարել իր նկատմամբ։