Ղրիմում ընթանալու են հայ կինոյի օրեր

Ուկրաինայում դեկտեմբերի 2-ին Ղրիմի «Կոսմոս» կինոթատրոնում տեղի կունենա հայ կինոյի օրերին նվիրված միջոցառման բացման արարողությունը. հաղորդում է Analitika.ua-ն:

Առաջին ֆիլմը, որը ներկայացվելու է հանդիսատեսին, կլինի «Փեսացուն կրկեսից»-ը: Տոմսերի վաճառքից ստացված ողջ հասույթը տրամադրվելու է բարեգործական հաստատություններին:

Ինչպես նախկինում էր հաղորդել գործակալությունը, ապրիլի 22-28-ը Դոնեցկի «Զվյոզդոչկա» կինոթատրոնում ներկայացվել էին համամարդկային պատմության մեջ հայերի ունեցած ներդրումների և Եվրոպայում եկեղեցաշինության մեջ հայերի ունեցած մեծ լումայի մասին պատմող ֆիլմեր: