The Diplomat. Ռուսաստանն ու Չինաստանը մոտ են СУ-35-ի շուրջ պայմանագրի ստորագրմանը

Չինաստանի սեփական արտադրության ինքնաթիռների շուրջ ստեղծված բուռն խոսակցությունների համատեքստում Պեկինը համառորեն շարունակում է հետևողական մնալ ռուսական լավագույն Сухой Су-35 ռազմական ռմբակոծիչների ձեռքբերման հարցում:

The Diplomat ամսագիրը, հիմնվելով այս շաբաթվա ուսումնասիրությունների վրա, նշում է, որ այդ համառությունն իր արդյունքը տվեց, և համաձայնագիրը ռուսների հետ մոտ է ստորագրմանը:

Համաձայնագրի վերակենդանացումն ակնհայտորեն ջրի երես է հանում Պեկինի և Մոսկվայի դրդապատճառները. երկու կողմերը լավ պատճառ ունեին հրաժարվելու պայմանագիրը ստորագրելու ընդհանուր գաղափարից հենց առաջին անհաջող փորձից հետո այս տարի:

Ստեղծելով բացառապես տեղական արտադրության «J-15» ինքնաթիռներ կամ փորձարկելով նոր «ստելս» («stealth») ռմբակոծիչներ՝ Չինաստանի առաջնորդները վայելում են այս ամենը, սակայն Ռուսասատանից ինքնաթիռներ  գնելը նշանակում է, որ նրանք ընդունում են այն, որ Չինաստանը դեռևս ունի սահմանափակումներ և ձգտում է ստանձնել առաջատարի դիրքերը:

Վերջին հաշվով, իրար նկատմամբ հետաքրքրությունը կարծես գերակայել է երկու կողմերում. Չինաստանը, ենթադրվում է, որ համաձայնել է ձեռք բերել 24 միավոր Су-35 ռմբակոծիչ ոչ այնքան շատ, ինչքան ռուսներն են ուզում, բայց այնքան, որ գործարքը պսակվի հաջողությամբ:

Ինչպես նշում է Տոկիոյում հիմնավորված The Diplomat ամսագիրը, Չինաստանը, ակնհայտ է, Су-35 ռմբակոծիչների կարիք ունի իր ռազմական ընդունակությունների, միգուցե իր տեխնոլոգիաների կամ միգուցե դրանց երկուսի համար: Մոսկվան կարող է անհանգստանալ այն հանգամանքով, որ Չինաստանը առաջին անգամ 24 ինքնաթիռ գնելուց հետո այլևս չի վերադառնա ավելիի համար:

Հավելենք, որ այժմ Չինաստանի ինքնաթիռները հիմնականում ճապոնական «F-15»-երն են:

Ռուսաստանն իր հերթին Չինաստանի բիզնեսի կարիքն ունի, քանի որ մի ժամանակ կայուն գնորդներ հանդիսացող շուկաները այլևս վստահելի չեն: Չինաստանը մոտ է պաշտպանական արտադրության բնագավառում ինքնավստահության ձեռքբերմանը. Су-35 ռմբակոծիչների վաճառքը կարող է լինել Մոսկվայի վերջին «ուռա»-ն այդ մասնավոր շուկայում:

Հնդկաստանը, որ մի ժամանակ մեծ կախվածություն ուներ Ռուսաստանից, այժմ վերաձևավորում է իր սեփական շուկան: Վիետնամի տնտեսական դրությունն անվստահելի է: Սիրիայում վիճակն անկայուն է: Վենեսուելայի հետագա պատվերները կախված են Ուգո Չավեսի առողջական վիճակից: