Ինչո՞ւ մարիխուանայի օգտագործումն օրինականացվեց ԱՄՆ-ի նահանգներում

Մարիխուանայի օգտագործումն այս շաբաթ օրինական է դառնալու ԱՄՆ-ի Վաշինգտոն նահանգում: Սիեթլում հինգշաբթի օրը կհռչակվի և կնշվի որպես «Օրինականացման օր»: Իսկ Կոլորադոն կհռչակի մարիխուանայի գործածումը որպես օրինական միայն հունվարի 5-ին: Ինչպե՞ս նրանք հասան դրան, ինչպե՞ս միանգամից երկու նահանգ օրինական կդարձնի մարիխուանայի գործածումը: Պատասխանը գտնվում է հասարակության այն շերտերի մեջ, ուր կա աճող պահանջարկ: Վաշինգտոնում կա լայնագրպան մոտոցիկլավարների լավ և խելացիորեն կազմակերպված խմբավորում, որը զբաղվում է մարիխուանայի ապօրինի վաճառքով: Այդ ամենը վերահսկողության տակ պահելու համար նահանգները որոշել են օրինականացնել գործածումը: Ալիսոն Հոլքոմբը, ով Վաշինգտոնի առաջարկած օրինագծի ներկայացուցիչներից է, հայտարարել է, որ նրանք սպասում էին մեկին, ով կդրդեր իրենց կատարել այդ քայլն ու գնալ այդ ուղղությամբ:

Վաշինգտոն և Կոլորադո նահանգները երկուսն էլ մշակութային և քաղաքական նկատառումներով առաջարկել են օրինականացնել մարիխուանայի գործածումը: Այս երկու նահանգներն էլ նախկինում ունեին օրինագծային ակնարկներ՝ մարիխուանայի գործածումը օրինականացնելու օրինագծի բարեփոխման քայլեր: 2006 թվականին Կոլորադո նահանգում այդ օրինագծի ընդունումը տապալվեց: 2010-ին Վաշինգտոնում այն նույնպես ձախողվեց: Իսկ 1970 թվականից ի վեր Մարիխուանայի գործածման օրինագծի համար ստեղծված Ազգային կազմակերպությունը աշխատանք է տարել այն օրինական դարձնելու համար: Հիմնականում շեշտը դրվում էր այն բանի վրա, որ քաղցկեղով և ՁԻԱՀ-ով հիվանդ մարդկանց համար մարիխուանան համարվում է դեղամիջոց: Աստիճանաբար Միացյալ նահանգներում հազվադեպ էր դառնում մարդկանց ձերբակալումը մարիխուանայի գործածման համար:

Փաստերի ուսումնասիրության արդյունքում փաստաբան Բրայն Վիսենտեն, ով մեծ դեր ունի Կոլորադո նահանգում օրինագծի ընդունման գործում, նշեց, որ վերոհիշյալ երկու նահանգներում օրինագիծն ընդունվեց ոչ այն պատճառով, որ մարդիկ սիրում են մարիխուանան, այլ այն պատճառով, որ բոլորը հոգնել են անդադար «թմրանյութի անդադար պատերազմից»: