Կիրանցում ոստիկանները լուսաձայնային նռնակ են կիրառել․ մի քանի գյուղացի վնասվածքներ են ստացել․ News.am

Կիրանցում ճանապարհը փակած բնակիչների հետ բախման ժամանակ ոստիկանները լուսաձայնային նռնակ են կիրառել, մի քանի բնակիչ մարմնական վնասվածքներ են ստացել։ Այս մասին NEWS.am-ի հետ զրույցում հայտնեց Կիրանցի բնակիչներից մեկը։

Տուժածները թեթև մարմնական վնասվածքներ են ստացել և չեն հոսպիտալացվել։ 

Նշենք, որ Ներքին գործերի նախարարությունը հերքել է, որ ոստիկանները Տավուշի մարզի Կիրանց համայնքում բնակիչների հետ բախման ժամանակ նրանց դեմ լուսաձայնային նռնակ են կիրառել։

«Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել»,- «Արմենպրես»-ի հետ զրույցում հայտնել է ՆԳՆ մամուլի խոսնակ Նարեկ Սարգսյանը։