ՆԱՏՕ-ն հավանություն է տվել Թուրքիայում Patriot տիպի հրթիռների տեղակայմանը. Ռասմուսեն
Թուրքիա
ՆԱՏՕ-ի գլխավոր քարտուղար Անդերս Ֆոգ Ռասմուսենը հույս է հայտնել, որ դաշինքի անդամ պետությունները երեքշաբթի օրը դրական արձագանք կտան Թուրքիայի՝ իրեն Patriot տիպի զենիթահրթիռային համակարգ տրամադրելու մասին ներկայացրած հայտին. հայտնում է BBC-ն:
«Դաշինքը դրական է արձագանքել այդ հայտին, և մենք հուսով ենք, որ ՆԱՏՕ-ի անդամ պետությունների ԱԳ ղեկավարները քաղաքական որոշում կկայացնեն այս երեքշաբթի»,-հայտարարել է Ռասմուսենը Հյուսիսատլանտյան բլոկի արտգործնախարարների կայանալիք նիստից առաջ:
Թուրքիայի կառավարությունը պաշտոնապես դիմել էր ՆԱՏՕ-ին Սիրիայի կողմից հարձակումներից պաշտպանվելու համար իր սահմանային շրջաններում Patriot տիպի զենիթահրթիռային համակարգ տեղակայելու խնդրանքով: Միաժամանակ, ԱՄՆ-ը նույնպես հավանություն է տվել Թուրքիայի խնդրանքին:
Ավելի վաղ թուրքական ԶԼՄ-ները գրում էին, որ ՆԱՏՕ-ի պատվիրակությունը Թուրքիայում թուրքական զինված ուժերի հետ միասին արդեն ավարտել է հրթիռների տեղակայման վայրերի ընտրության գործընթացը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
