ՀՀ ՓՄՁ զարգացման ազգային կենտրոնը ստորագրել է Սևծովյան ավազանի առևտրային ցանցի պայմանագիր

Ռումինիայի, Բուլղարիայի, Հունաստանի, Թուրքիայի, և Հայաստանի ներկայացուցիչները նոյեմբերի 28-ին Ռումինիայում ստորագրվել է համագործակցության համաձայնագիր ծրագրում ներգրավված կազմակերպությունների միջև: Նախաձեռնության շրջանակում Հայաստանից մասնակցում է Հայաստանի ՓՄՁ զարգացման ազգային կենտրոնը: Համաձայնագրով ամրագրվել են Ցանցի գործունեության հիմնական սկզբունքները և գործունեության ուղղությունները առաջիկա երեք տարիների համար:

Ծրագիրն իրականացվում է Եվրոպայի Միության աջակցությամբ Եվրոպական հարևանության և գործընկերության գործիքի շրջանակում, որի նպատակն է խթանել Սևծովյան ավազանի հարակից շրջանների կայուն տնտեսական և սոցիալական զարգացումը:

Ծրագրի հիմնական խնդիրն է համատեղ ջանքերով և ռեսուրսներով խրախուսել ներտարածաշրջանային և միջսահմանային տնտեսական համագործակցությունը' նպատակ ունենալով խթանել Սևծովյան ավազանի հարակից շրջանների կայուն զարգացումը:

Ծրագրի շրջանակներում հինգ երկրների յոթ մասնագիտացված կենտրոնների մասնակցությամբ ստեղծված Սևծովյան առևտրային ցանցը կնպաստի ծրագրի մասնակից երկրների միջև առևտրա-տնտեսական համագործակցության զարգացմանը, կբարելավի գործարար տեղեկատվության և առևտուրը խթանող ծառայությունների հասանելիությունը տարածաշրջանի գործարարների և հնարավոր ներդրողների համար:

Ցանցի տրամադրած բոլոր ծառայություններն անվճար են:

Առավել մանրամասն տեղեկությունների համար դիմեք Հայաստանում ցանցի ներկայացուցիչ Հայաստանի ՓՄՁ ԶԱԿ-ի կենտրոնական գրասենյակ (հասցե՝ ք. Երևան, Մ. Մկրտչյան 5ա, հեռ. +374 10 541648, 563714, [email protected], www.smednc.am: Ցանցի պաշտոնական կայքն է' www.blackseatradenet.eu):