ԱՄՆ-ը հերքում է Պարսից ծոցում անօդաչու սարք կորցնելու մասին լուրերը
ԱՄՆ
ԱՄՆ-ի ռազմածովային հրամանատարությունը դեկտեմբերի 4-ին հերքել է իրանական ԶԼՄ-ներում տարածված լուրերն այն մասին, թե իրանական կողմը իր հսկողության տակ է առել Boeing ScanEagle անօդաչու սարքի կառավարումը Պարսից ծոցի տարածքում. փոխանցում է Reuters-ը:
«ԱՄՆ-ի ռազմածովային ուժերը խիստ հաշվարկ են պահպանում իրենց տնօրինության տակ գտնվող մերձավորարևելյան տարածաշրջանում գործողություններ իրականացնող անօդաչուների քանակի հարցում: Մեր գործողությունները սահմանափակվում են միջազգայնորեն թույլատրված օդային սահմաններում»,-հայտարարել են ԱՄՆ-ի ռազմածովային ուժերի շտաբից: Շտաբը նշել է, որ վերջին ժամանակներս Boeing ScanEagle անօդաչու թռչող սարքերից ոչ մեկը չի անհետացել:
Հիշեցնենք, որ իրանական Fars գործակալության տեղեկություններով՝ իրանցի զինվորականներին հաջողվել էր գրավել Պարսից ծոցում՝ Իրանի իսլամական հանրապետության ծովային տարածքներում թռիչք իրականացնող ամերիկյան անօդաչու թռչող սարքը:
Իրանում Իսլամական հեղափոխության պահապան կորպուսի հրամանատարությունը հայտարարել է, որ մասնագետներին հաջողվել է իրենց ձեռքը վերցնել ScanEagle տիպի անօդաչու թռչող սարքի հեռակառավարման վերահսկողությունը, որը հետախուզական գործունեություն էր իրականացնում Պարսից ծոցի ծովային տարածքներում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
