Մեքսիկուհի «գեղեցկության թագուհին» մահից առաջ АК-47-ից կրակել է զինվորականների ուղղությամբ

«Սինալոա նահանգի Միս-2012»-ը, որը նոյեմբեր ամսին Մեքսիկայի արևմուտքում մահացել էր հանցագործ խմբավորման և զինվորականների միջև փոխհրաձգության ժամանակ, ինքը ևս կրակ է բացել իրավապահ մարմինների աշխատակիցների վրա ավելի ուշ վերջինիս դիակի մոտ հայտնաբերված АК-47-ից. այս մասին հաղորդում է Взгляд-ը՝ հղում կատարելով երկրի գլխավոր դատախազությանը: Ավելի վաղ հաղորդվում էր, որ աղջիկը և նրա ընկերը մահացել են՝ պատահաբար հայտնվելով փոխհրաձգության վայրում: Ապա տեղեկություն հայտնվեց, ըստ որի՝ 22-ամյա գեղեցկուհին կարող էր լինել հանցագործ խմբավորման կազմում և կրակել զինվորականների վրա. բացի այդ, հանցագործները կարող էին նրան օգտագործել որպես վահան կրակոցներից պաշտպանվելու համար: Հետաքննության արդյունքում հայտնաբերվել է, որ աղջիկն իրոք կրակ է բացել զինվորականների ուղղությամբ և մահացել պատասխան կրակոցներից:

Հիշեցնենք, որ նոյեմբերի 27-ին Մեքսիկայի արևմուտքում գտնվող Մոկորիո քաղաքում հանցագործ խմբավորման անդամների և զինվորականների միջև տեղի ունեցած փոխհրաձգության հետևանքով զոհվել է «Սինալոա նահանգի Միս-2012» Մարիա Սուսանա Ֆլորես Գամեսը: