Երևան` մուտքը կդառնա վճարովի՞. «Հրապարակ»

«Հրապարակը» գրել է.

Վաղուց Տիգրան Ավինյանին չեմ անդրադարձել, նա էլ, հավանաբար, մտածում է թե ամեն ինչ «օկ» է իր աշխատանքում և սկսել է ավելի հաճախ երևալ կայքերում ու թերթերում: Վերջին անգամ ինչպես հարկն էր «լուսաբանել» էի նրա՝ բուսաբանական այգի կատարած «գերհաջողված» այցը, իսկ հետո հանիրավի մոռացել նրան, Նիկոլ Փաշինյանի՝ հայրենասիրության մասին վերջին բարբաջանքների ֆոնին: Հիմա ուզում եմ ասել, որ Ավինյանը, ինչ էլ անի Նիկոլը կամ չանի, շարունակելու է մնալ իմ ուշադրության կենտրոնում, իհարկե, որպես Երևանի բոլոր ժամանակների ամենավատ քաղաքապետ:

Պարոն Ավինյան, բարլուս: Լա՞վ ես: Էս ի՞նչ է Երևանի կենտրոնի վիճակը: Չէ, ջրհեղեղները չեմ ասում, այլ մեքենաների հեղեղը՝ այս ամենօրյա հեղեղը: Բա բեռնաթափելու՜ էիք… Կարմիր ներկ էր ընկել ձեռքներդ, հա՞, թանկանոց կայանատեղիներ էիք սարքում, մեծ-մեծ խոսում, որ եթե թանկացնեք, կենտրոնը կբեռնաթափվի: Այդ ծրագիրը գործո՞ւմ է դեռ… Այ, այ, այ, մոռացել եք դրա մասին: Բայց չէ՞ որ դա Նիկոլ Փաշինյանի հրահանգներից էր՝ բեռնաթափեք: Դուք ավելի եք ծանրաբեռնել: Կգա՞ք միասին շրջենք Երևանի կենտրոնում: Սուրճն՝ ինձնից: Խոստանում եմ անուշ քնից էլ չհանել քեզ: Այդպես՝ ժամը 9:00-10:00-ի սահմաններում: Այդ ժամերին են ՔՊ-շնիկները սովորաբար գործի գնում՝ ով պադավատով, ով սեփական ավտոմեքենայով, իսկ առավել շտապողները, չեք հավատա, շտապօգնության մեքենաներով՝ սիրենան միացրած: Չկա՞ այդպիսի բան: Մի շտապիր հերքել: Մի գեղեցիկ օր ես քեզ կցուցադրեմ այդ պաշտոնյային:

Ինչպե՞ս կնախընտրես մտնել Երևան, պարոն Ավինյան՝ Աճառյան փողոցո՞վ, Թբիլիսյան խճուղո՞վ, թե՞ Իսկովի պողոտայով: Իսկ գուցե 3-րդ մասի՞ց փորձենք հասնել կենտրոն: Վստահեցնում եմ քեզ, պարոբն Ավինյան, որ դու քո կազմակերպած բեռնաթափումից կարգին կլիցքաթափվես: Քաղաքային տրանսպորտը ք.քի մեջ է, ես դրա մասին չեմ էլ ուզում խոսել: Էդ սիրուն ավտոբուսները որ բերել ու շարունակում եք բերել, հարցի լուծում չէ: Այդ ոլորտի կարգավորումը մշակույթի և մեթոդաբանության հարց է, որը դու չունես: Մեղադրելու չէ, չես շփվել, չգիտես, գլուխ չես հանում: Թե բա տոմսերի միասնական համակարգ… Մի արա, դա քո խելքի բանը չէ: Հանկարծ կբեռնաթափես ավտոբուսներն ուղևորներից ու դուռ կբացես ստվերի (գռդոնչիների) առաջ:

Արի, նախ Երևանի բեռնաթափման մասին մտածենք: Ինձ թվում է՝ մի բան ճիշտ եք անում, երբ ամեն Աստծո օր դժվարացնում եք մուտքը Երևան: Նշածս փողոցներում՝ Աճառյան, Թբիլիսյան, Իսակովի, Արշակունյաց, ամեն օր «թաշխալա» է: Ապրեք: Պետք է այդպես պահել: «Խելացի» լուսացույցերը բա ինչի՞ համար են: Այդ հոսքերը «խելացի» ձևով պետք է կանգնեցնել և դանդաղեցնել, որպեսզի տրանսպորտի մուտքը Երևան և Երևանի կենտրոն դժվարանա: Գոնե մի քանի ժամով, մինչև Նիկոլին հասցնեք գործի և դուք էլ հասնեք: Դե իսկ գործի հասնելուց հետո՝ թեկուզ ջրհեղեղ: Բա քեզ պե՞տք ա, թե գյուղացի Համբոն իր 06-ը որտեղ կկայանի Երևան մտնելուց հետո: Բայց ես ավելի գլոբալ լուծում եմ առաջարկում քեզ, պարոն Ավինյան: Երևան՝ մուտքը դարձրեք վճարովի: Համաշխարհային պրակտիկայում հիմա դա շատ ընդունված է: Տուռնիկետները տեղադրեք քաղաքի սահմաններից որոշակի հեռավորության վրա, որպեսզի գյուղացի Համբոն գլխի չընկնի, որ դրանք Երևան՝ մուտքը սահմանափակելու համար են: Եվ պատկերացրու, ամեն անգամ, երբ գյուղացի համբոն որոշի գակ Երևան ու հիշի, որ ճանապարհին մի տեղ պետք է 500 դրամ վճարի, կմտածի՝ գնա՞մ, թե՞ չգնամ: Եվ խնդրեմ՝ արդյունքում համ օդից փող կբռնես, համ էլ Երևանը կբեռնաթափես: Բա ի՞նչ, քեզ համար նոր ավտո ես առել, քաղաքապետարանի համար մի քանի տասնյակ նոր մեքենաներ… դրանք որտե՞ղ եք քշելու, հո խցանումների մեջ կանգնելու համար չե՞ք բերել: Լավ առաջարկ է, Ավինյան, մտածիր այս ուղղությամբ:

Իսկ ինչ վերաբերում է մետրոյին՝ շարունակիր կառուցել: Մի կայարանը քիչ է, սկսիր երկրորդի, երրորդի շինարարությունը: Կարմիր լենտեր կտրել սիրում ես, գիտեմ: Հերթով կկտրես, Նիկոլի ու քաղաքացիների աչքը կմտնես: Իսկ ջրհեղեղներին էլ այդքան ուշադրություն մի դարձրու: Աստծո գործերին չի կարելի միջամտել՝ մի օր անձրև, մի օր՝ արև: Բոլոր մայրաքաղաքներում էլ ջրհեղեղներ պատահում են: Կարելի է վերջապես ջրային տրանսպորտ պահել՝ կրիտիկական մոմենտներին գործարկելու համար: Ջրային պարեկնե՞ր չունենք, թե՞ ջրալի կառավարություն:

Հ.Գ. Հենց որոշես ինձ հետ սուրճ խմել, պարոն Ավինյան, զանգիր: