Հայաստանն ունի 15 ազգային հերոս, Ադրբեջանը՝ 173

Արցախյան ազատագրական պատերազմում (1988-1994) հայկական զինված ուժերը փառահեղ հաղթանակ տարան ադրբեջանական զորքերի նկատմամբ. տեղեկացնում է iravaban.net-ը:

Հայ ժողովուրդը պատերազմում ցուցաբերեց իր մարտական բարձր ոգին և աչքի ընկավ իրական հերոսներով:

«Պետական պարգևների մասին» ՀՀ օրենքը սահմանում է, որ Հայաստանի Հանրապետության բարձրագույն կոչումը «Հայաստանի ազգային հերոս» կոչումն է:

«Հայաստանի ազգային հերոս» բարձրագույն կոչմանն արժանացած անձանց հանձնվում է Հայրենիքի շքանշան:

Նշված բարձրագույն կոչմանն արժանացել է ընդամենը 15 հայորդի. նրանցից միայն 8-ն են հանդիսանում Արցախյան ազատամարտի հերոսներ:

Իսկ պարտված Ադրբեջանի հերոսների թիվը հասնում է 173-ի: Այս թիվը պետք է որ աճի՝ նկատի ունենալով այդ ազգի՝ հերոս կերտելու «մեծ տաղանդը»: