Կահիրեում բողոքի ցույցերը շարունակվում են

Եգիպտոսում շարունակվում են բախումները նախագահ Մուրսիի «Մուսուլման եղբայրներ» կուսակցության կողմնակիցների և օպոզիցիայի միջև: Շուրջ 4 մարդ զոհվել, և 300 մարդ վիրավորվել է Կահիրեում նախագահական նստավայրի մոտ: Ներքին գործերի նախարարը նշում է, որ շուրջ 32 մարդ է ձերբակալվել: Իսմայիլա քաղաքում բողոքարարներն այրել են Մուրսիի «Ազատություն» և «Արդարություն» կուսակցության կենտրոնական գրասենյակները: Հաղորդում է Guardian պարբերականը:

Մուհամմեդ ալ Բարադեյը նշել է. «Մենք մեղադրում ենք Մուրսիի կառավարությանը ներկա արնահեղությունների համար»: Նա նաև մեղադրել է կառավարական ռեժիմին, որը չի կարողանում ապահովել իր իսկ բնակչության անվտանգությունը և իր իշխանությունը ապահովում է բռնության ուժով:

Ազգային փրկության ֆրոնտը, որի մաս է կազմում նաև Ալ Բարադեյը, պահանջում է կառավարությունից չեղյալ համարել Մուրսիի հրամանը, որը տալիս է նրան անսահմանափակ իշխանություն և հետաձգել սահմանադրության ռեֆերենդումը, որն առաջադրվել էր «Մուսուլման եղբայրներ» կուսակցության կողմից:

Օպոզիցիան նշում է, որ կվերսկսի բանակցությունները կառավարության հետ միայն այն դեպքում, երբ Մուրսին չեղյալ համարի հրամանը, որի համաձայն՝ իր կողմից ընդունված որոշումներն օրենդրական ուժ ունեն:

Բանակը, որը մշտապես օժանդակել է նախկին կառավարություններին, այժմ գտնվում է օպոզիցիայի շարքերում, քանզի Մուրսիի կառավարությունն արգելել է այն ներգրավել քաղաքական գործընթացներին:

Վիլյամ Հեյգը՝ Բրիտանիայի արտաքին գործերի նախարարը, նշում էր. «Մենք կոչ ենք անում բոլոր կողմերին նստել բանակցությունների սեղանի շուրջ որպես միակ ուղի, որտեղ բոլոր կողմերի ձայնը կլսվի»: