Դերենիկ Դումանյան. Վերջին 2 շաբաթում սիբիրախտի դեպքեր չեն գրանցվել

Այսօր` դեկտեմբերի 6-ին լրագրողների հետ ճեպազրույցում ՀՀ առողջապահության նախարար Դերենիկ Դումանյանը հայտարարեց, որ վերջին երկու շաբաթների ընթացքում հանրապետությունում սիբիրախտով վարակվածության դեպքեր չեն գրանցվել: Դերենիկ Դումանյանի  խոսքով՝ վերջին 2 ամիսների ընթացքում ընդհանուր առմամբ գրանցվել էր սիբիրախտի մոտ 15 դեպք:

«Վարակը լոկալիզացված է, իրավիճակը վերահսկելի է»,- նշեց Դ. Դումանյանը: Նրա տեղեկացմամբ՝ նախկինում էլ է եղել սիբիրախտի բռնկումներ: Մասնավորապես՝ 2006 թ. մոտ 26 դեպք է արձանագրվել: