«Հրապարակ». ՀՀԿ-ն ապավինում է քաղաքական ու հատկապես ֆինանսական լուրջ կապիտալ ունեցողներին
Հայկական Մամուլ
Նախագահական ընտրությունների շեմին ՀՀԿ-ն կարծես սկսել է կողմնորոշվել մարզային պատասխանատուների հարցում՝ ապավինելով մարդկանց, ովքեր քաղաքական ու հատկապես ֆինանսական լուրջ կապիտալ ունեն: «Հրապարակ»-ը մասնավորապես տեղեկացավ, որ նախօրեին Վանաձորում տեղի է ունեցել ՀՀԿ Լոռու մարզային կազմակերպության խորհրդի նիստ, որի ժամանակ քննարկվել են առաջիկա նախագահական ընտրություններին առնչվող հարցեր: Թերթի տվյալներով՝ ՀՀԿ Լոռու մարզային կառույցի ղեկավար, Լոռու մարզպետ Արթուր Նալբանդյանը ներկաներին տեղեկացրել է, որ նախագահական ընտրություններում, ինչպես նախկինում, մարզի «կուրատորը» լինելու է ՀՀ նախագահի աշխատակազմի նախկին ղեկավար, Աժ պատգամավոր Կարեն Կարապետյանը:
Այս լուրը ճշտելու համար թերթը դիմեց Կարեն Կարապետյանի գրասենյակի ղեկավար Արտակ Ճաղարյանին, ով նախ խոստացավ խոսել պարոն Կարապետյանի հետ, ապա զանգահարել, սակայն ողջ օրվա ընթացքում ոչ միայն չկատարեց խոստումը, այլև չպատասխանեց թերթի հեռախոսազանգերին: «Հրապարակ»-ը տեղեկությունը փորձեց ճշտել մարզպետից, ով, սակայն, ասաց, որ ինքը նման խորհրդակցության չի մասնակցել, բայց «Կարեն Կարապետյանի կուրատորությանը դեմ չէ», միայն ուրախ է դրա համար:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
