ԱՄՆ-ն թույլ չի տա Խորհրդային միության վերակենդանացում. Քլինթոն
ԱՄՆ
ԱՄՆ պետքարտուղար Հիլարի Քլինթոնը հայտարարել է, որ ԱՄՆ-ն դիմադրելու է հետխորհրդային տարածքում ինտեգրացիոն գործընթացներին, որոնք նա համարում է Խորհրդային միության վերակենդանացման փորձ: Այս մասին հայտնում է Financial Times պարբերականը՝ մեջբերելով Քլինթոնի՝ Դուբլինում հինգշաբթի օրը Ռուսաստանի Դաշնության արտաքին գործերի նախարար Սերգեյ Լավրովի հետ հանդիպումից հետո լրագրողների հետ զրույցի ընթացքում հնչեցրած խոսքերը:
«Գոյություն ունի շարժում դեպի տարածաշրջանի խորհրդայնացում: Իհարկե, գործընթացը հենց այսպես չի կոչվի: Դրա անունը կարող է լինել «Մաքսային միություն» կամ «Եվրասիական միություն» և այլն:
Մոլորության մեջ չընկնենք այս հարցում: Մենք գիտենք ինչն է նպատակը, և մենք փորձում ենք մշակել արդյունավետ ուղիներ, թե ինչպես դանդաղեցնել կամ կանխել այս գործընթացը»,-ասել է Քլինթոնը:
Financial Times-ն իր հերթին հետևյալ կերպ է մեկնաբանում Քլինթոնի հայտարարությունը. «Նրա տոնը ազդանշան է առ այն, որ ԱՄՆ-ը վերանայում է Ռուսաստանի հետ իր հարաբերությունների «վերբեռնումը», ինչի մասին հայտարարվել է 2009-ին, երբ մարդու իրավունքների իրավիճակի քննադատությունը խլացված էր, և Մոսկվան, կարծես, ավելի շատ ազատություն ստացավ նախկին Խորհրդային միության տարածքում»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
