ԵԱՀԿ համանախագահ պետությունները քննադատել են Հայաստանի և Ադրբեջանի հանրապետությունները

Իռլանդիայի մայրաքաղաք Դուբլինում տեղի ունեցած ԵԱՀԿ նախարարների հանդիպմանը Ռուսաստանի ԱԳ նախարար Սերգեյ Լավրովը, ԱՄՆ-ի պետքարտուղար Հիլարի Քլինթոնը և Ֆրանսիայի՝ եվրահարցերով նախարար Բերնարդ Սազենյովը հանդես են եկել հայտարարությամբ, որում դատապարտել են Հայաստանին և Ադրբեջանին, որոնք քայլեր չեն ձեռնարկում Ղարաբաղի հիմնահարցի խաղաղ լուծման համար:

Երեք ղեկավարները չեն կարողացել ճիշտ կերպով դատապարտել Ալիևի ջանքերը` հարցը լուծել ռազմական ուժի միջոցով:

Հայտարարության մեջ նշվում էր. «Մենք՝ որպես ԵԱՀԿ Մինսկի խմբի համանախագահ պետությունների պատվիրակության ղեկավարներ, դատապարտում ենք Հայաստանին և Ադրբեջանին, որոնք չեն ցուցաբերում քաղաքական կամք Լեռնային Ղարաբաղի հարցը խաղաղ լուծելու համար: Ինչպես նշել են մեր նախագահները, 2012թ. հունիսի 18-ին Լոս Քաբոսում կողմերը պետք է առաջնորդվեն Հելսինկյան հիմնակետերով, այդ թվում՝ որևէ ուժի օգտագործման արգելք, կամ դրա օգտագործման սպառնալիքների բացակայություն, տարածքային ամբողջականություն, բնակչության հավասար իրավուքների և ինքնաարտահայտման իրավունքներ և 2009-ին Լ'Աքվիլայում և 2010-ին Մուսկակոյում արված մեր պետությունների հայտարարություններով:

Փաստելով 2011թ. Դովիլում մեր նախագահների հայտարարությունները` կոչ ենք անում կողմերին վճռորոշ քայլեր ձեռնարկել՝ ԼՂՀ հիմնահարցը լուծելու խաղաղ ճանապարհով:

Հիմնահարցը խաղաղ ճանապարհով լուծելու մեր ակնկալիքները, որոնք առաջացել էին 2012-ի հունվարի 23-ին Սոչիում ՌԴ նախագահ Վլադիմիր Պուտինի հետ հանդիպման ժամանակ ՀՀ և Ադրբեջանի նախագահների հայտարարություններով, չիրականացան: Կողմերը չպետք է ձգտեն միակողմանի առավելության, այլ պետք է ջանան փոխադարձաբար հասնել համաձայնության: Անդրադառնալով սահմանին տեղի ունեցող զինադադարի խախտումներին՝ պետք է նշել, որ կողմերը պետք է հարգեն 1994թ. հաստատված զինադադարը, և պետք է հստակ գիտակցել, որ ռազմական ուժի կիրառումը չի օժանդակի կոֆլիկտի լուծմանը:

Մենք կոչ ենք անում կողմերին համագործակցել Մինսկի խմբի հետ և ուշադրություն դարձնել համանախագահների գաղափարներին, որոնք կարտահայտվեն նոյեմբերին տարածաշրջան կատարած այցի ժամանակ: Մենք ողջունում ենք Հայաստանի և Ադրբեջանի ԱԳ նախարարները պատրաստակամությունը համատեղ հանդիպում ունենալ համանախագահների հետ 2013-ի սկզբին: Մենք կշարունակենք օժանդակել կողմերին հասնել խաղաղ լուծման, սակայն ամեն ինչ կախված է Հայաստանից և Ադրբեջանից»:

Հանդիպումից առաջ ԵԱՀԿ գլխավոր քարտուղար Լամբորտո Զանիերը մտահոգությունն էր հայտնել՝ կապված խաղաղ բանակցությունների ընթացքի հետ:

Նա Риа Новости-ին տված հարցազրույցի ժամանակ նշել է. «ԼՂՀ հիմնահարցի խաղաղ լուծման ընթացքը խիստ անհանգստություն է առաջացնում: Հուսով ենք, որ Հայաստանի և Ադրբեջանի ԱԳ նախարարները կհանդիպեն Դուբլինում և կկարողանան հասնել փոխադարձ համաձայնության: Կարևոր է առաջընթաց արձանագրել հատկապես Հայաստանում և Ադրբեջանում առաջիկա ընտրություններից առաջ»: