Նյու Յորքի իշխանությունները սպառնում են «Սենդի» փոթորկից տուժածներին
ԱՄՆ
Նյու Յորքի թաղամասերից մեկի բնակիչները դեռ տուժում են հզոր փոթորկի հետևանքներց: Միևնույն ժամանակ, քաղաքային իշխանությունները հայտարարում են, որ քաղաքացիներն իրենք են մեղավոր, որ չեն կարող պահել իրենց ունեցվածքը հարկի վիճակում: Ինչպես հաղորդում է CBS New York-ը, Ռոզանա և Ջո Քավելյերեները, Քուինս թաղամասից մինչև հիմա փորձում են մաքրել իրենց տարածքը փոթորկի առաջացրած աղբից: Խնդիրներ է ստեղծում նաև տան տանիքի վրա ընկած ծառը, որն արդեն երկու շաբաթից ավել մնում է այնտեղ: Բոլորովին վերջերս զույգը ծանուցում էր ստացել քաղաքային իշխանություններից, որում վերջիններս պահանջում էին անմիջապես հավաքել ամբողջ աղբը:
Ծանուցման մեջ նշվում է, որ ընտանիքն ի վիճակի չէ պահել իր սեփականությունն անհրաժեշտ վիճակում: Սակայն ընտանիքը հավաստիացնում է, որ սպասել է բավականին երկար, և հենց քաղաքային իշխանությունները պետք է ծառը իջեցնեին տանիքի վրայից: Քաղաքային դեպարտամենտն իր հերթին պնդում է, որ այդ պահանջը ֆորմալ երևույթ է: Նման կերպ նրանք ուղղակի հետևում են բոլոր ընկած ծառերին, և ծանուցմանը որևէ գումարային տուգանք չի հետևի: Սակայն Քավալյերեների ընտանիքը պահանջում է վերանայել ծանուցումը և հանել վիրավորական արտահայտությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
