«Վրացական երազանքն» արտասահմանում ստացել է ձայների 17,7 տոկոսը․ ԿԸՀ

Իշխող «Վրացական երազանք» կուսակցությունն արտասահմանում խորհրդարանական ընտրություններում ստացել է ընդամենը 17,7 տոկոս՝ 67 ընտրատեղամասերից 52-ի հաշվարկված տվյալների համաձայն, հայտնում է երկրի Կենտրոնական ընտրական հանձնաժողովը։

Կենտրոնական ընտրական հանձնաժողովի տվյալներով՝ 67 ընտրատեղամասերից 52-ի տվյալների հաշվարկից հետո «Վրացական երազանքը» ստացել է ավելի քան 3,3 հազար ձայն, այսինքն՝ 17,73 տոկոս, իսկ ընդդիմությունն ընդհանուր առմամբ՝ մոտ 70 տոկոս։
Միևնույն ժամանակ, ԿԸՀ-ի տվյալներով, ընդհանուր առմամբ ընտրատեղամասերի ավելի քան 99%-ի տվյալների հաշվարկից հետո «Վրացական երազանքը» հավաքել է 54,2%, իսկ ընդդիմությունն ընդհանուր առմամբ՝ 37%: