Ալեքսեյ Կորեպանով. Նա, ով իրենով է արել ուրիշինը, պետք է քրեական պատասխանատվություն կրի

Ռուս գործարար Ալեքսեյ Կորեպանովի և ՀԽՍՀ նախկին դատախազի որդի Վիկտոր Տեր-Հովսեփյանի միջև դատական վեճը նոր զարգացումներ է ձեռք բերում: Վերջերս կայացած մամլո ասուլիսի ժամանակ Կորեպանովը մեղադրել է իր նախկին գործընկերոջը իր կողմից կատարած հինգ միլլիոն ԱՄՆ դոլարի չափով կատարած ներդրումների գողության մեջ: Ի պատասխան Կորեպանովի այս պնդումներին՝ Վ.Տեր-Հովսեփյանը նամակ է տարածել, որում հերքում է իր մեղքը, իսկ ռուս գործարարի ասուլիսն անվանում է «սուտ և էշանագիր ֆարս»:

Times.am-ի խմբագրությունը Ալեքսեյ Կորեպանովի պատասխան նամակն է ստացել Վիկտոր Տեր-Հովսեփյանին հասցեագրված, որում, մասնավորապես, ասվում է.

«Վիկտոր Տեր-Հովսեփյանի պատասխանը գեբելսյան քարոզչության դասական օրինակ է: Եւ ահա թե ինչու:

Վիկտոր Տեր-Հովսեփյանն իր պատասխանի մեջ օգտագործում է բառեր ու արտահայտություններ, որոնք որեւէ կապ չունեն իմ արծարծած հարցերի հետ, սակայն այդ բառերն ունեն վառ արտահայտված էմոցիոնալ ենթատեքստ: Հենց այդ ժխտողական-էմոցիոնալ արտահայտությունների խառնուրդից էլ Վիկտոր Տեր-Հովսեփյանը ցանկանում է ինձնից ստեղծել մի չարագործի կերպար:

Եւ այսպես, հերթականությամբ:

Վիկտոր Տեր-Հովսեփյանն օգտագործում է հետեւյալ բառերն ու բառակապակցությունները.

1. «սուտ եւ էժանագին ֆարս»: Ցանկանում եմ հարցնել Վիկտորին. ի՞նչն է սուտ եւ ի՞նչ է ֆարս: Այն, որ մենք ներդրել ենք Անսուր Ինվեստում $ 5.000.000.00, իսկ դու' ոչ մի գրո՞շ:

2. «զեղծարարներ եւ հերթական կեղտոտ պատվերի կատարողներ»: Ո՞րն է մեր արած զեղծարարությունը: Այն, որ գումար եմ տրամադրել բարեգործության համար եւ վճարել եմ այն հարկային գումարները, որոնք ես նշեցի մամուլի ասուլիսի ժամանակ, իսկ դու եւ քո ընտանիքն անգամ մի դրամ հարկ չեք վճարել ձեր հարազատ Հայաստանում, եւ չունենալով որեւէ բիզնես, հանկարծ դարձել եք միլլիոնատեր:

3. «միմյանց հետ գտնվելով զավթողական համաձայնության մեջ Վ. Տեր-Հովսեփյանի եւ նրա ընտանիքի հարստության գործով»: Եւ ո՞րն է մեր զավթողական համաձայնությունը: Այն, որ մենք հսկայական գումար ենք ներդրել, իսկ դու, Վիկտոր Տեր-Հովսեփյան քո ընտանիքի հետ որեւէ բան չեք ներդրել եւ այժմ փորձում եք մեզնից խլել «արդարադատության» օգնությամբ, որը առաջ է քաշվում Արման Մկրտումյանի կողմից: Զավթողն այն մարդն է, ով ոչինչ չի ներդրել կամ էլ ներդրել է շատ փոքր մի մաս, սակայն ցանկանում է վերցնել ամբողջը: Դա է զավթողի բնութագրումը: Եւ մեզանից ո՞վ է զավթողը: Ե՞ս, թե՞ քո ընտանիքը Արման Մկրտումյանի «արդարադատության» հետ միասին:

4. «Ցանկացած անօրեն մեթոդներով»: Ի՞նչ անօրեն մեթոդներով: Մի՞թե դու «Արման Մկրտումյանի արդարդատության համաձայն» պայմանագրով Անսուր Ինվեստից պարտք ես վերցրել 8,175,000.00 դրամ եւ չպետք է այդ գումարը վերադարձնես «ըստ Արման Մկրտումյանի դատական որոշման»: Մի՞թե «Արման Մկրտումյանի արդարդատության համաձայն» դու 111,000,000.00 դրամով մեզնից հողակտոր ես գնել եւ պարտավոր չես վերադարձնել ո´չ հողը, եւ ո´չ էլ պետք է մեզ փող տաս, այն գումարը, որը դու չես վճարել «ըստ Արման Մկրտումյանի դատական որոշման»: Եւ մի՞թե Մկրտումյանի արդարադատության համաձայն» Անսուր Ինվեստը պարտավոր է քեզ 900,000.00 ԱՄՆ դոլար եւ տոկոսներ վճարել համաձայն այն պայմանագրի, որը գոյություն չունի, եւ սա կրկին «ըստ Արման Մկրտումյանի դատական որոշման»: Մի՞թե «Արման Մկրտումյանի արդարդատության համաձայն» դու պայմանագրով պարտք ես վերցրել 450.000.00 ԱՄՆ դոլար եւ չպետք է դրանք վերադարձնես «ըստ Արման Մկրտումյանի դատական որոշման»:

Մի՞թե «Արման Մկրտումյանի արդարդատության համաձայն» դու մեզ 1,350,000.00 ԱՄՆ դոլարով վաճառել ես 21%-ի շինարարության իրավունքներն ու պարտականությունները եւ միեւնույն ժամանակ նոտարի մոտ հաստատել ես բոլոր իրավունքները (բայց ոչ պարտականությունները) քո անունով եւ պարտավոր չես մեզ վերադարձնել ո´չ այդ նույն իրավունքները եւ ոչ էլ գումարը, եւ սա կրկին «ըստ Արման Մկրտումյանի դատական որոշման» եւ այլն:

5. «ոչ բարեխիղճ լրագրողների օգնությամբ»: Եւ ո՞րն է լրագրողների անբարեխղճությունը: Այն է, որ նրան ինձ թույլ տվեցին բացահայտ ասել, թե ինչպես են Հայաստանում վերաբերվում արտասահմանյան ներդրողներին եւ թե ինչպես է աշխատում դատական համակարգը Արման Մկրտումյանի ղեկավարությամբ:

6. «օրենքին չհամապատասխանող հայց»: Մնում է միայն հարցնել. ինչո՞վ չի համապատասխանում:

Եւ այն մասին, որ ըստ Վիկտոր Տեր-Հովսեփյանի ինքը Արման Մկրտումյանի սանիկը չէ: Ես այդպիսի բան չեմ էլ ասել: Ես խոսել եմ միայն ընտանիքների միջեւ առկա քավորական հարաբերությունների մասին, սակայն ես չեմ խոսել երկու առանձին անհատների մասին: Կարծում եմ' դրանք էականորեն տարբեր բաներ են:

Այն փաստաթղթերի մասին, որ ներկայացրել է Վիկտոր Տեր-Հովսեփյանը: Կարող եմ ենթադրել, որ դրանք մտադրությունների մասին պայմանագրեր են, արձանագրություններ, իմ նամակները: Այո, վերը նշվածներից գոյություն ունեն որոշ փաստաթղթեր, որոնք ես ստորագրել եմ: Բայց, եւ այդ բայցը շատ կարեւոր է. նախ, այդ բոլոր փաստաթղթերը ես ստորագրել եմ այն ժամանակ, երբ դեռեւս չգիտեի կամ մինչեւ վերջ համոզված չէի, որ Վիկտոր Տեր-Հովսեփյանը ցանկանում է կորզել մեր փողերը: Այդ դեպքում, կարծում եմ, որ արդար տրամաբանությունը հուշում է, որ նա, ով իրենով է արել ուրիշինը, պետք է վերադարձնի անազնիվ կերպով վերցրածն ու կրի քրեական պատասխանատվություն: Եւ երկրորդ, եթե խոսենք էմոցիոնալ բաղկացուցիչի մասին, ապա պետք է ասել, որ վերը նշված բոլոր թղթերը կազմված են եղել Վիկտոր Տեր-Հովսեփյանի կողմից (ապացույցները գոյություն ունեն) եւ ստորագրվել են իմ կողմից առանց ուշադիր դիտվելու (ամեն դեպքում, նա իմ «ընկերն» էր, գումարած դրան' մայրիկիս մահը)»: