Արմենչիկը որդու և հոր ծնունդները միասին կտոնի

Այսօր Արմենչիկի որդին կդառնա 1 տարեկան, ինչի կապակցությամբ փոքրիկի ծնողները մեծ տոն են կազմակերպել նրա համար: esyes.am-ի հետ զրույցում երգիչը նշել է, որ միջոցառման կամակերպչական հիմնական գործերով ինքն է զբաղվել, ձևավորմամբ՝ կինը՝ Լուսինեն:
Որդու՝ Մայքլ-Արմենի ծննդյան մեծ ու շքեղ տարեդարձին, ինչպես Արմենչիկն է ասում, ներկա են լինելու նաև ծաղրածուներ, ովքեր կուրախացնեն ինչպես Մայքլ-Արմենին, այնպես էլ տարեդարձի փոքրիկ հյուրերին: «Փորձել ենք միջոցառումն այնպես կազմակերպել, որ և՛ փոքրիկների, և՛ մեծերի համար հետաքրքիր լինի »,- ասաց Արմենչիկն ու հավելեց, որ դեկտեմբերի 4-ին իր հոր ծնունդն էր՝ 60-ամյակը:  Նրանք ընտանիքով որոշել են միացնել ծնունդներն ու մեծ տոն կազմակերպել:

Ըստ Արմենչիկի՝ միջոցառմանը մոտ 250 մարդ է հրավիրված: «Արդեն մի շարք շնորհավորանքներ ենք ստացել Հայաստանում բնակվող հայտնիներից: Նրանցից շատերը տարածության պատճառով չեն կարող ներկա լինել, բայց գիտեմ, որ սիրով կգային»,- նշեց Արմենչիկը:
Երգիչը չցանկացավ մանրամասնել, թե ինչ է նվիրելու որդուն առաջին տարեդարձի կապակցությամբ, միայն ասաց, որ նրա համար յուրահատուկ նվեր է պատրաստել:

Փոքրիկ Մայքլն արդեն բլբլում է՝ մամա, պապա, տատի, պապի:) «Տղա երեխաներն ավելի թամբալ են, աղջիկներն ավելի շուտ են սկսում խոսել,- ասաց երգիչն ու հավելեց, որ որդին կարողանում է արդեն կանգնել, ինչ-որ մեկի օգնությամբ նաև քայլում է: - Կարծում եմ՝ մի ամսից արդեն կկարողանա ինքնուրույն քայլել, ճիշտ է՝ բռնվելով, բայց հիմա արդեն քայլում է»:

Ատամհատիկին Մայքլն «ընտրել» է նկարիչ, արվեստագետ գրությամբ թուղթը. «Ես, միևնույնն է, կարծում եմ, որ նա երգիչ է դառնալու:),- ասաց Արմենչիկն ու հավելեց, որ շատ է ցանկանում որդին երգիչ դառնա, բայց մի պայմանով' իր հաջողությամբ պետք է գերազանցի հորը: -Շատ երաժշտական երեխա է, հենց ինչ-որ երգ է լսում, անմիջապես ուշադրությունը լարում է, փորձում ինքն էլ երգել, թեև հիմա ուղղակի ձայն հանել է ստացվում:»: Ի դեպ, փոքրիկը Անդրեա Բոչելլիի երգերի ներքո է քնում: