«ՀԺ». 83 պատգամավորների գործը կքննի ԱԺ էթիկայի հանձնաժողովը

ԱԺ նախագահ Հովիկ Աբրահամյանը, փոխնախագահներ Շարմազանովը և Նաղդալյանը, ևս 80 պատգամավոր օրերս կծանուցվեն, որ Աժ էթիկայի հանձնաժողովը սկսել է իրենց կողմից պատգամավորի էթիկայի կանոնները խախտելու հարցի քննությունը:

Էթիկայի հանձնաժողովը երեկվա դռնփակ նիստում որոշում է կայացրել վարույթ ընդունել և քննարկման դնել Արմեն Ռուստամյանի դիմումը՝ Աժ թվով 83 պատգամավորների կողմից պատգամավորական էթիկայի կանոնները խախտելու վերաբերյալ:

Հիշեցնենք, որ նոյեմբերի 21-ին ՀՀԿ-ն, «քաղաքական բոյկոտի» դիմելով, տապալել էր ընդդիմության նախաձեռնած արտահերթ նիստը: Էթիկայի հանձնաժողովի երեկվա նիստը սկանդալային ընթացք է ունեցել: Հանձնաժողովի ՀՀԿ-ական փոխնախագահ Դավիթ Հարությունյանը լքել է նիստը, քանի որ հանձնաժողովի նախագահ Նիկոլ Փաշինյանը նրան զրկել է քննարկմանը որպես հանձնաժողովի անդամ մասնակցելու հնարավորությունից: Փաշինյանն իր որոշումը բացատրել է Աժ կանոնակարգ օրենքով, որը պատգամավորին արգելում է մասնակցել իր հարցի քննարկմանը: Ռուստամյանի դիմումը վերաբերում է նաև Դավիթ Հարությունյանի կողմից պատգամավորի էթիկայի կանոնները խախտելուն: