Կոբախիձեն հայտնել է՝ երբ տեղի կունենան Վրաստանում նախագահական ընտրությունները
Վրաստան
Վրաստանի նոր նախագահի ընտրությունները տեղի կունենան 2025 թվականի սկզբին։ Այս մասին հայտարարել է հանրապետության վարչապետ Իրակլի Կոբախիձեն, հաղորդում է ՏԱՍՍ-ը։
«Երկրում ամեն ինչ խաղաղ է և հանգիստ։ Ընտրությունների արդյունքները կամփոփվեն, իսկ դրանից հետո տասներորդ օրը տեղի կունենա խորհրդարանի առաջին նիստը։ Այնուհետև կսկսվի խորհրդարանական աշխատանքը, ապա, ենթադրաբար հունվարի սկզբին, տեղի կունենան նախագահական ընտրություններ։ Դրան կհաջորդի նախագահի երդմնակալությունը։ Երկիրը շարունակում է ապրել իր սովորական կյանքով»,- Բաքվում ՄԱԿ-ի կլիմայական համաժողովի ժամանակ լրագրողներին ասել է Կոբախիձեն։
Վրաստանի ներկայիս նախագահ Սալոմե Զուրաբիշվիլին ընտրվել է 2018 թվականին՝ վեց տարի ժամկետով՝ քաղաքացիների ուղղակի քվեարկությամբ։ Նրա լիազորությունների ժամկետը լրանում է այս աշնանը։ Սահմանադրության նոր փոփոխությունների համաձայն՝ ապագա նախագահը հոկտեմբերի 26-ին կայանալիք խորհրդարանական ընտրություններից հետո հինգ տարի ժամկետով կընտրվի 300 ընտրողների կոլեգիայի կողմից՝ կազմված խորհրդարանի անդամներից և տեղական իշխանությունների ներկայացուցիչներից։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
