Բեմից այն կողմ նա լրիվ այլ է, նա թախծոտ Աննա Դովլաթյանն է. «Դժվար ապրուստի» Դեյվը` սիրելիի մասին

Հարցազրույց «Դժվար ապրուստ» հեռուստասերիալի դերասան Դավիթ Աղաջանյանի (Դեյվ) հետ։

1.Բնութագրիր քեզ երեք բառով, որով մարդիկ կկարողանան ճանաչել քո մարդ տեսակը:

-Կարիերասեր, նյարդային, զբաղված:

2.Բնավորության գծեր, որ կցանկանայիր փոխել քո մեջ:

-Ամեն փոքր բանից ստեղծում եմ վեճ, ծեծկռտուք, նյարդերս թույլ են, այ դա կուզեի փոխել:

3.Ըստ քեզ սիրված ես տաղանդի, թե՞ գեղեցկության շնորհիվ:

-Մի բան եմ հասկացել, որ մարդուն կարող են սիրել առանց ներքինն իմանալու: Չափից դուրս կարող են սիրել՝ հոգեպես քեզ չիմանալով: Այստեղ հիմնականում մարդու տաղանդը չեն սիրում, սիրում են աչքին հաճելի լինելու համար:

4.Դավիթ Աղաջանյանն արդեն նաև դերասան է: Ըստ քեզ՝ դու ավելի հաջող մոդե՞լ ես, թե՞ դերասան:

-Ոչ մեկն էլ չես կարող լինել այս երկրում, բայց դերասանությունը ինձ ավելի հայտնի դարձրեց և սիրված: Եթե ցանկանամ շատ բարձունքների կհասնեմ, սակայն Հայաստանը փոքր կետ է ողջ աշխարհի վրա: Այնպես որ ես ինձ ոչ լավ դերասան եմ համարում, ոչ էլ լավ մոդել:

5.Գոհ ե՞ս ներկայիս մոդելինգից, և առհասարակ ի՞նչ կարծիք ունես շոուբիզնեսի մասին:

-Շոուբիզնես նախ պետք է լինի, ոչ թե երկու անգամ եթերներում երևացած աստղերն իրենց անվանում են շոուբիզնեսի ներկայացուցիչներ: Կան երգիչ երգչուհիներ, ովքեր իսկապես աշխատում են և ես հարգում եմ նրանց աշխատանքը, բայց նաև կան մարդիկ, ում աստղայինը թարս չափալախելա ու դրանից ես իրոք ներվայնանում եմ: Աստղեր չեն կարող լինել Հայաստանում, կան մարդիկ որոնց ճանաչում են աշխարհի 30 տոկոսը, բայց նրանք աստղեր չեն: Հայաստանում ճանաչված լինել չի նշանակում լինել աստղ, 02-ով էլ են մարդկանց ցույց տալիս ու Հայաստանում ճանաչում են նրանց, սակայն նրանք աստղեր չեն: Մոդելինգից միայն զզվում եմ, քանի որ հանդիպում եմ կանացի, այս կյանքը ուրիշ բանից չտարբերող լպրծուն մարդկանց, սակայն սա ոչ բոլորին է վերաբերում: Այս ասպարեզում կան մարդիկ, ովքեր, լինելով մոդել, առաջին հերթին մնում են տղամարդ: Մտածում են, եթե մոդել, ապա պետք է դառնան կանացի: Տղա՛ մնացեք, եղե՛ք տղամարդ: Շատ քիչ մարդիկ կան այս ասպարեզում, ում ընդունում եմ նախ որպես տղամարդ, ապա նաև իր աշխատանքը կատարող մարդ:

6.Ո՞ր սոցիալական ցանցերում է ակտիվ Դավիթ Աղաջանյանը:

-Ես կամ միայն facebook –ում, էջ չունեմ ուրիշ ոչ մի սոցիալական կայքում: Մարդիկ կան տարբեր սոցիալական կայքերում բացել են էջեր և ներկայացնում են որպես երկրպագուների էջ, սակայն կան նաև ինքնակոչեր, ովքեր խոսում են իմ անունից:

7.Արդեն ունես ընկերուհի՝ հանրությանը ոչ պակաս հայտնի երգչուհի Աննա Դովլաթյանը: Ի՞նչը գրավեց քեզ նրա մեջ:

-Ես սկզբից գրեթե վստահ էի, որ իմ ընկերուհին այս ասպարեզից չի լինի, սակայն նրան հանդիպելուց հետո ես հասկացա, որ նա կապ չունի այս ասպարեզի և այս ասպարեզի մարդկանց հետ: Բեմից այն կողմ նա լրիվ այլ է, նա թախծոտ Աննա Դովլաթյանն է, ով ուրախ է միայն այն ժամանակ, երբ կողքիս է: Նա իր ներսում ստեղծել է մի աշխարհ, որտեղ միայն ինքն է ապրում և վերջերս ես շահեցի Green Card այդ աշխարհ մտնելու և ապրելու համար:

8.Եվ վերջում մեր ավանդական հարցը, ի՞նչ կմաղթեք Argamblog.com կայքին:

-Կցանկանամ, որ կապը ավելի արագ լինի և կայքը բացելուց չկախի:

Զրուցեց Argamblog–ը։