Ոչ ոք պատասխանատվությունից չի փախչի. Վրաստանի վարչապետը՝ ցույցի մասնակիցների մասին
Վրաստան
Վրաստանի վարչապետ Իրակլի Կոբախիձեն հայտարարել է՝ երկրում բողոքի ցույցերի մասնակիցներից ոչ ոք պատասխանատվությունից չի փախչի։ Այս մասին հաղորդում է Sputnik Georgia-ն։
«Ոչ ոք չի փախչի պատասխանատվությունից։ Նաև այն ընդդիմադիր քաղաքական գործիչները և հարուստ ՀԿ-ների ղեկավարները, ովքեր թաքնվել են իրենց գրասենյակներում բողոքի ակցիաների ժամանակ։ Իրենց արածի համար պատասխան են տալու, չեն կարող թաքնվել օրենքից»,-ասել է Կոբախիձեն։
«Այս արշավում ուղղակիորեն ընդգրկված են ընդդիմության առաջնորդները, որոշ լրագրողներ և նախագահ Սալոմե Զուրաբիշվիլին։ Նրանք օգտագործեցին իրենց վերջին ռեսուրսները, բայց չհասան «Ազգային մայդան»։ Հեղափոխություն կազմակերպելու ընդդիմության չորրորդ փորձը ձախողվեց։
Ընդդիմությունը փորձեց քաղաքականացնել կրթական համակարգը, ներխուժել և տիրանալ հեռուստատեսությանը, ինչպես նաև պատերազմի իմիտացիա իրականացնել՝ ոստիկանների ուղղությամբ կրակելով պիրոտեխնիկայով։
Եթե նախկին իշխող ուժը վերադառնար՝ իշխելու խորհրդարանական ընտրություններից հետո, իրական պատերազմ կսկսվեր, ոչ թե դրա իմիտացիան»,-ասել է Կոբախիձեն։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
