Bloomberg-ի ղեկավարը մտածում է գնել Financial Times-ը

Նյու Նորքի քաղաքապետ և Bloomberg լրատվական գործակալության հիմնադիր Մայքլ Բլումբերգը մտածում է գնել The Financial Times Group-ը. գրում է The New York Times-ը՝ հղում կատարելով սեփական աղբյուրների տվյալներին: Բրիտանական ընկերությունը թողարկում է նաև նույնանուն թերթ և ունի 5-տոկոսանոց մասբնաբաժին The Economist-ում: Հոկտեմբեր ասմին Բլումբերգն այցելել էր The Financial Times-ի լոնդոնյան գրասենյակը: Հարցին՝ չի ցանկանում արդյոք գնել թերթը, միլիարդատերը պատասխանել է, որ «անում է դա ամեն օր»: Բլումբերգը, գրում է թերթը, բազմիցս քննարկել է ընկերների և գործընկերների հետ The Financial Times Group-ի գնման առավելությություններն ու թերությունները:

Pearson ընկերությունը՝ The Financial Times Group-ի սեփականատերը, ֆինանսական մանրամասները չի բացում: Փորձագետները FT-ն գնահատում են 1,2 մլրդ դոլար. գրում է Интерфакс-ը: Որպես The Financial Times-ի ևս մեկ գնորդ. թերթը նշում է Thomson Reuters-ին՝ Bloomberg-ի գլխավոր գլոբալ մրցակցին:

Bloomberg L.P.-ի եկամուտը 2011 թվականին կազմում էր 7,6 մլրդ դոլար, Thomson Reuters-ինը՝ 13,8 մլրդ:

Ֆինանսական շուկայում New York Times-ի աղբյուրներից մեկը ենթադրում է, որ բրիտանական հրատարակչական խումբը կարող է վաճառվել գալիք տարվա սկզբում: Սակայն Pearson-ը պաշտոնապես հայտարարում է , որ The Financial Times-ի համար գնորդ չի փնտրում: