Թուրքիան անհանգստացած է Սիրիայում տիրող իրավիճակով

Սիրիայի ապստամբները Դամասկոսի երեքշաբաթյա պաշարումից հետո սկսել են մտածել, թե ինչ կլինի Բաշար Ասադի նախագահական անկումից հետո: Այդ մասին մտահոգված են նաև Սիրիայի հարևանները, հատկապես՝ Թուրքիան: 

Երկրի հարավային տարածքը փաստացիորեն արդեն գտնվում է ապստամբների ձեռքում: Միևնույն ժամանակ, նրանք փորձում են պաշարել Դամասկոսի օդանավակայանը:

Մայրաքաղաքին մոտ գտնվող Դարի բնակավայրի ապստամբների ղեկավարը նշում է, որ «Դամասկոսի օդանավակայանը ռազմավարական նշանակություն ունի և մենք կարիք ունենք այս օրերին գրավելու այդպիսի նշանակակետեր»:

Թուրքիայում վերլուծաբանները նշում են, որ այս ամառ արդեն Բաշար Ասադը չի լինի Սիրիայի նախագահ: Ինչքան ճգնաժամը մոտենում է իր ավարտին, Թուրքիան սկսում է սպառազինվել: Դրան էին միտված ամերիկյան Patriot 400 հրթիռների գնումը և գերմանական բանակի տեղափոխումն Անկարա: Թուրքիային ահաբեկում է այն հանգամանքը, որ Բաշար Ասադի անկումից հետո վերջինիս զենքերը, այդ թվում՝ քիմիական զենքերը կարող են անցնել քուրդերի ձեռքը: Թուրքիայի արտգործնախարար Ահմեդ Դավութօղլուն այս շաբաթ նշեց. «Մենք գիտենք, թե որտեղ են տեղադրված նրանց հրթիռները և քաջ գիտակցում ենք նրա քիմիական ծրագրերի մասին»:

Թուրքական պաշտոնական աղբյուրները նշում են, որ Ասադն արդեն կորցրել է իր դիրքն ու հեշտությամբ ընկնում է ազդեցության տակ: Միևնույն ժամանակ նշվում է, որ Բեյրութն ու Մոսկվան դիտում են Ասադի կրտսեր եղբայր Մահերին որպես ռազմական ղեկավար:

Այս մասին տեղեկացնում է Guardian անգլիական պարբերականը: