Քաջարանց գյուղը հայտնվել է բլոկադայի մեջ (տեսանյութ)

Քաջարանց գյուղի գյուղապետ Ռաֆիկ Աթայանը հարցազրույց է տվել բնապահպաններին, որում կոչով դիմել է համայն հայությանը.

 «Քաջարանցի կոմբինատի հանցագործներն ինձ արհեստական շրջափակման մեջ են դրել: Ավտոմեքենաներ չտվեցին, որ քաջարանցիներն իրենց խոտը դաշտից բերեն: Շրջապատել են, կամերաները դրել ու բլոկադայի մեջ են դրել Քաջարանց գյուղը, բայց չեն կարող, ուզում են վախեցնեն, բայց չեն կարող: Ես իմ սեփական մեքենայով այդ բոլոր հարցերը լուծել եմ ու լուծելու ենք մինչև վերջ: Մենք որ մի բան չունենք, ոչ մի տեղից օգնություն չունենք, իրենք ոչ մի բանով մեզ չեն օգնում: Գյուղս անմխիթար վիճակում է: Ես գյուղ տվող չեմ, ոչ մեկս գյուղ թողնող չենք:

Սահմանը՝ Նախիջևանի սահմանը թողնող չենք: Այս սահմանը մենք ենք պահում: Սահմանի թուրքերը հլա լավ են, բայց ներսի թուրքերը հանգիստ չեն թողնում մեզ: Բայց ինչ ուզում են անեն, մենք հող տվող չենք: Մեր տունն էլ ունենք, հայրենիքն էլ ունենք, գերեզմանն էլ ունենք, ամեն ինչն էլ ունենք: Ուղղակի ուզում ենք, որ մեզ օգնեն: Գյուղի 2-կիլոմետրանոց ճանապարհը շատ անմխիթար վիճակում է, գյուղատնտեսությունը անկման մեջ է, բայց օգնություն չունենք:

Սփյուռքահայեր ունենք, որ օգնում են, բայց այդ օգնությունը գյուղին չի հասնում, չեն թողնում: Դիմում եմ մեր գյուղացիներին՝ օգնեն մենք մեզանով մեր գյուղատնտեսությունը զարգացնենք: Սահմանի վրայի բոլոր գյուղերը որ լքենք գնանք, ով պիտի պահի մեր հայրենիքը: Նեղում են ժողովրդին, որ դուրս գան, բայց չեն կարող նեղել»:

Մանրամասները կարող եք դիտել տեսանյութում.