Զուրաբիշվիլին միակ լեգիտիմ նախագահն է․ Վրաստանի ընդդիմություն

Ընդդիմությունը բոյկոտում է Վրաստանի նոր նախագահի ընտրությունները, քանի որ վերջերս հավաքված խորհրդարանը համարում է ոչ լեգիտիմ։ Իշխանական ընդդիմադիր ուժը Սալոմե Զուրաբիշվիլուն հռչակել է պետության միակ օրինական ղեկավար, հայտնում է NewsGeorgia-ն։

Նրանք կարծում են, որ ստեղծված իրավիճակից միակ ելքը նոր խորհրդարանական ընտրություններ նշանակելն է։ Ընդդիմությունը պահանջում է նաև ազատ արձակել բոլոր այն քաղաքացիներին, որոնք ձերբակալվել են վերջին երկու շաբաթվա ընթացքում եվրոպամետ հանրահավաքների ժամանակ։

Վրաստանում նախագահական ընտրությունները կանցկացվեն խորհրդարանի շենքում դեկտեմբերի 14-ին։ Առաջին անգամ պետության ղեկավարն ընտրվելու է ոչ թե համաժողովրդական քվեարկությամբ, այլ 300 ընտրողներից բաղկացած հանձնաժողովի կողմից։

Միակ թեկնածուն իշխող «Վրացական երազանք»-ի կողմից առաջադրված Միխեիլ Կավելաշվիլին էր։

Ընտրությունների օրը ընդդիմադիր կուսակցությունները մտադիր են բողոքի ակցիա անցկացնել խորհրդարանի մոտ: Վրաստանի Պետական ​​անվտանգության ծառայությունը (ԱԱԾ) պնդում է, որ փորձելու են խափանել ընտրությունները։