Վատ եղանակը Վրաստանում երթևեկության խնդիրներ է ստեղծել․ NewsGeorgia

Վատ եղանակը խնդիրներ է ստեղծել Վրաստանի բարձր լեռնային շրջաններում վարորդների համար, փոխանցում է NewsGeorgia-ն։

Ձյան առատ տեղումների պատճառով Թբիլիսի-Սենակի-Լեսելիձե միջազգային ճանապարհի 133-158 կմ-ին արգելված է ծանր բեռնատարների տեղաշարժը։ Երթուղու մյուս հատվածներում երթեւեկությունն ազատ է։

Նմանատիպ սահմանափակումներ կան նաև Գոմի-Սաչխերե-Չիատուրա-Զեստաֆոնի ներքին ճանապարհին, ինչպես նաև Քութայիսի-Տկիբուլի-Ամբրոլաուրի ճանապարհի 39-62 կմ-ին՝ Արևմտյան Վրաստանում։

Քվեմո Քարթլիի շրջանի Նիչբիսի - Դիդգորի - Դիդի Տոնեթի միջպետական ​​ճանապարհին արգելվել է բոլոր տեսակի տրանսպորտի տեղաշարժը։
Օդերեւութաբանների կանխատեսումների համաձայն՝ Վրաստանում վատ եղանակը պահպանվելու է մինչև դեկտեմբերի 14-ը։