«Այսօր Վրաստանը փորձություն է Եվրամիության համար». Պապուաշվիլի
Վրաստան
Վրաստանի խորհրդարանի նախագահ Շալվա Պապուաշվիլին միջազգային հանրությանը կոչ է արել ճանաչել հոկտեմբերի 26-ին կայացած խորհրդարանական ընտրությունների արդյունքները, իսկ ընդդիմությանը՝ դադարեցնել բոյկոտը, փոխանցում է NewsGeorgia-ն։
«Ես կցանկանայի բոլոր օտարերկրյա խաղացողներին կոչ անել ճանաչել վրաց ժողովրդի կամքը, ժողովրդավարությունը: Այսօր Վրաստանը փորձություն է նաև Եվրամիության համար»,- ասել է Պապուաշվիլին։
Նա ծանր քաղաքական ճգնաժամի մեջ հայտնված երկրում ստեղծված իրավիճակը համարում է «Եվրամիության՝ ժողովրդավարական արժեքներին և այլ երկրների ժողովուրդների ինքնիշխանությանը նվիրվածության փորձություն»: Վրաստանի խորհրդարանի նախագահը «Վրացական երազանքը» քննադատող որոշ արևմտյան քաղաքական գործիչներին անվանել է «կեղծ եվրոպացիներ» և «խորհրդային քաղաքացիներ»։
«Իրենց քաղաքական օրակարգով նրանք փորձում են որոշել, թե ինչպիսի կառավարություն պետք է լինի Վրաստանում, այլ ոչ թե այնպես, որ վրաց ժողովրդի կամքը որոշիչ գործոն լինի նրանց համար»,- ասել է Պապուաշվիլին։ Նրա խոսքով, «իսկական եվրոպացիների» կոչն այն է, որ չորս ընդդիմադիր կուսակցությունները «վերցնեն իրենց մանդատները և կատարեն իրենց ընտրողների կամքը խորհրդարանի պատերի ներսում»։
Ամենադիտված 
Ֆիզանձանց եկամուտների հայտարարագրումը հանգեցնելու է նրան, որ մարդիկ սկսեն կանխիկով ամեն ինչ անել․ արդյունքում՝ բարդակ է դառնալու․ Անի Հովհաննիսյան
