Վրաստանի նախագահական ընտրությունները կայացած են. Կենտրոնական ընտրական հանձնաժողով

Վրաստանի նախագահական ընտրությունները կայացել են այն պատճառով, որ մասնակցել է ընտրական կոլեգիայի 300 անդամների կեսից ավելին։ Այս մասին ճեպազրույցում հայտարարել է Վրաստանի Կենտրոնական ընտրական հանձնաժողովի մամուլի խոսնակ Նատիա Իոսելիանին, հայտնում է NewsGeorgia-ն։

Վրաստանում այսօր ընտրում են վեցերորդ նախագահին։ Առաջին անգամ դա տեղի է ունենում ոչ թե ժողովրդի ուղղակի քվեարկությամբ, այլ ընտրողների միջոցով։ Կոլեգիայի կազմում են Վրաստանի խորհրդարանի 150, Աջարիայի Գերագույն խորհրդի 21, Աբխազիայի Գերագույն խորհրդի 20 և շրջանային սակրեբուլոների (քաղաքային խորհուրդների) 109 պատգամավորներ։

Նախագահի միակ թեկնածուն իշխող «Վրացական երազանք» կուսակցության թեկնածու, նախկին պատգամավոր, նախկին ֆուտբոլիստ Միխեիլ Կավելաշվիլին է։

Ընտրություններն ընթանում են Ռուսթավելիում բողոքի ցույցի ֆոնին և անվտանգության ուժեղացված միջոցներով։ Ընդդիմությունը, որը բոյկոտում է խորհրդարանի աշխատանքը, չի մասնակցում գործընթացին։ Ընդդիմախոսները կարծում են, որ ընթացակարգը ոչ լեգիտիմ է, քանի որ խորհրդարանական ընտրությունները կեղծվել են։ Նրանք պահանջում են նոր խորհրդարանական ընտրություններ.