Եթե Վրաստանը հրաժարվի իր արժեքներից ու ավանդույթներից, անիմաստ կլինի նրա անդամակցումը ԵՄ-ին. Վրաստանի նախագահ

Վրաստանը չի կարող հրաժարվել իր արժեքներից, քանի որ այդ ժամանակ որևէ միջազգային կազմակերպությանը, այդ թվում՝ Եվրամիությանն անդամակցելը անիմաստ կլինի։ Այս մասին ասել է Միխայիլ Կավելաշվիլին, ով նախօրեին դարձել է Վրաստանի նախագահ, հաղորդում է ՏԱՍՍ-ը։

«Որևէ միջազգային կազմակերպությանն անդամակցելու համար չարժե մերժել ավանդական արժեքները։ Եթե չունենանք մեր արժեքներն ու բնավորությունը, մշակույթը, լեզուն, հավատը, հայրենիքի պաշտպանությունը, ի՞նչ իմաստ կունենա անդամակցել որևէ կազմակերպության»,-ասել է Վրաստան նորընտիր նախագահը։

Կավելաշվիլին ընդգծել է, որ Թբիլիսին ամենևին էլ չի հրաժարվում եվրաինտեգրումից. Վրաստանի ղեկավարությունը դեռ ձգտում է անդամակցել ԵՄ-ին, սակայն մտադիր չէ դավաճանել իրեն։