«Սիրե՛ք պոետի գույները»՝ պարգևներ լավագույններին

Խնկո-Ապոր մանկական գրադարանում այսօր տեղի է ունեցել Համահայկական մանկապատանեկան նկարչական 3-րդ մրցույթ-փառատոնի փակման պաշտոնական արարողությունը և հաղթողների պարգևատրումը: Հանդիսության ժամանակ շնորհվել են մրցանակներ հետևյալ անվանակարգերով՝ հիմնական, խրախուսական, առցանց քվեարկության և ՀՀ ԿԳ նախարարի շնորհակալագրեր: Երկրորդ փուլ անցած և ցուցահանդեսին մասնակցած, սակայն պարգևների չարժանացած երեխաները, ինչպես նաև դպրոցները ստացել են ցուցահանդեսի պատկերագրքեր, որոնցում տեղ են գտել նաև մրցույթ-փառատոնի շրջանակում անցկացված մանկական պոեզիայի մրցույթին ներկայացված լավագույն մանկական բանաստեղծություններ:

Մրցանակները բաշխվել են հետևյալ կերպ՝ հիմնական անվանակարգում՝ Սփյուռք՝ 5 տեղ, ՀՀ և ԼՂՀ՝ 6 տեղ, խրախուսական անվանակարգում՝ Սփյուռք՝ 12 հատ, ՀՀ և ԼՂՀ՝ 37 հատ, ՀՀ ԿԳ նախարարի շնորհակալագրերի անվանակարգում «Նախագծային աշխատանքի» համար՝ Սփյուռք՝ 1 նախագիծ, ՀՀ՝ 1 նախագիծ, «Գրաֆիկական նկարի և գեղանկարի» համար՝ ԼՂՀ՝ 2 հատ, ՀՀ՝ 1 հատ, «Խմբակային աշխատանքի» համար՝ Սփյուռք՝ 1 հատ, հանդիսատեսի համակրանք անվանակարգում՝ /առցանց քվեարկությամբ/ Սփյուռք՝ 1 հատ, ՀՀ՝ 2 հատ:

Հիշեցնենք, որ մրցույթին ներկայացվել է շուրջ 1500 աշխատանք, որից երկրորդ փուլ անցել է ցուցահանդեսի 345 աշխատանք:

Մրցույթ-փառատոնի գլխավոր հովանավոր՝ «Արմենթել» ՍՊԸ, աջակից՝ «Էդիտ-Պրինտ» հրատարակչություն: