Վրացական ճգնաժամի միակ լուխումը նոր ընտրություններն են․ GeorgiaNews

Վրաստանի քաղաքացիների մեծամասնությունը կարծում է, որ խորհրդարանական ընտրությունները երկրի համար ներկայիս քաղաքական ճգնաժամից դուրս գալու լավագույն միջոցն են։ Դա ցույց է տվել IPM Research խորհրդատվական ընկերության կողմից անցկացված հարցումը, փաստում է GeorgiaNews-ը։

Ճգնաժամից դուրս գալու հնարավոր ուղիների մասին հարցին հարցվածների 56%-ն ընտրել է «Նոր ընտրություններ, որոնք կանցկացվեն անկախ և վստահելի ինստիտուտների կողմից» տարբերակը։ 9 տոկոսը կարծում է, որ ճգնաժամը կավարտվի, եթե ներկայիս կառավարությունը հրաժարական տա։

Ընդդիմադիր կուսակցությունների խորհրդարան անցնելու գաղափարին կողմ է 11%-ը, 4%-ը հավատում է իշխանության և ընդդիմության միջև բանակցությունների արդյունավետությանը, 9%-ը վստահ է, որ երկրում ճգնաժամ չկա, իսկ 10%-ը՝ դժվարացել է պատասխանել։