Ռուս օլիգարխ Միխայիլ Պրոխորովը ցանկանում է բաժնեմաս ձեռքբերել Ведомости-ում

Ռուս օլիգարխ Միխայիլ Պրոխորովին պատկանող ОНЭКСИМ ներդրումային հիմնադրամը ակտիվների փոխանակման մասին առաջարկ է արել Sanoma Independent Media հրատարակչական տանը: ինչպես հաղորդում է Коммерсантъ-ը՝ հղում կատարելով սեփական աղբյուրներին, Պրոխորովը ցանկանում է ստանալ Sanoma-ին պատկանող մասնաբաժինը Бизнес Ньюс Медиа ընկերությունում, որն իր հերթին թողարկում է Ведомости-ն: Դրա փոխարեն ОНЭКСИМ-ի կողմից վերահսկվող РБК հոլդինգը պատաստ է հրաժարվել Салон-Пресс հրատարակչական տնից:

Бизнес Ньюс Медиа-ն պատկանում է Delovoi Standart կիպրոսյան ընկերությանը, որը հավասարության հիմունքներով պատկանում է Sanoma Independent Media-ին, բրիտանական Pearson-ին ( հրատարակիչ Financial Times) և Ռուպերտ Մերդոկի՝ The Wall Street Journal News-ը հրապարակող Corporation-ին: Ընդ որում Pearson-ը Коммерсант-ի տվյալներով հանդես է գալիս որպես ОНЭКСИМ-ի մրցակից, քանի որ պատրաստ է քննարկել Ведомости-ի բոլոր ակտիվների կենտրոնացման հնարավորությունն իր ձեռքերում:

ОНЭКСИМ-ի ներկայացուցիչները, սակայն, հրաժարվել են մեկնաբանել Պրոխորովի կողմից առաջարկության մասին տեղեկությունը: Մինչդեռ Салон-Пресс-ին մոտ կանգնած աղբյուրը հաստատել է, որ РБК-ն վերջերս մանդատ է տրամադրել այս հրատարակչական տան վաճառքի համար:

Սակայն РБК-ի գլխավոր տնօրեն Սերգեյ Լավրուխինի խոսքերով՝ Салон-Пресс գնել հավակնում է երկու ընկերություն, և Sanoma-ն դրանց թվում չէ: