Ստրոս Կանը և սպասուհին, ում բռնաբարության մեջ նա մեղադրվում էր, հաշտվել են
ԱՐԽԻՎ
Նյու Յորքում ավարտվել է Արժույթի միջազգային հիմնադրամի ղեկավար Դոմինիկ Ստրոս Կանի դեմ հարուցված գործով դատական գործընթացը. հաղորդում է AFP-ն: Այս մասին դեկտեմբերի 10-ին հայտնել է դատավորը: Ինչպես գրում է Reuters-ը, ԱՄՀ նախկին ղեկավարը և սպասուհին, ում բռնաբարության փորձ կատարելու համար մեղադրվում էր Ստրոս Կանը, հաշտվել են:
Համաձայնության պայմանները չեն հաղորդվում: Մինչդեռ նոյեմբերի վերջում Le Monde թերթը գրում է, որ ԱՄՀ-ի նախկին ղեկավարը կվճարի սպասուհուն 6 մլն դոլար: Սակայն փաստաբանները հերքել էին այս տեղեկությունը: Ավելի վաղ հայտնի դարձավ, որ կողմերը պայմանավորվել են կարգավորել այս գործը արտադատարանական կարգով:
Հիշեցնենք, որ Դիալոն իր մեղադրանքները առաջադրել էր 2011 թվականին, ինչից հետո Ստրոս Կանի դեմ քրական գործ էր հարուցվել: Միջազգային սկանդալի ֆոնին իր մեղքը չխոստովանող Ստրոս Կանը ստիպված էր թողնել իր պաշտոնը ԱՄՀ-ում: Ավելի ուշ գործը փակվել էր հետաքննության՝ Դիալոյի նկատմամբ անվստահության պատճառով, սակայն կողմերը պատասխան քաղաքացիական հայցեր էին ներկայացրել՝ պահանջելով ֆինանսական փոխհատուցում, որոնց լսումները մեկնարկեցին 2012 թվականին:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
