Հարավային Կորեայում ակտիվիստների մի խումբ հանուն պետության պոռնոկայքեր է այցելում

Հարավային Կորեայում գործում է կամավորների մի հասարակական կազմակերպություն, որն օգնում է պայքարել համացանցում պոռնոգրաֆիայի տարածման դեմ: Նրա անդամները սեփական նախաձեռնությամբ այցելում են բազմաթիվ արգելված պոռնոկայքեր և անում են դա հանուն պետության. գրում է Russia Today-ը:

Ակտիվիստներից մեկը նշում է, որ այդ կայքերի հաճախակի այցելություններից արդեն սրտխառնոց է զգում, սակայն նա դա անում է հանուն պարտքի զգացողության, որը նա զգում է երկրի հանդեպ:

Nuri Cops անունը կրող հասարակական կազմակերպությունն ունի 800 անդամ, որոնք ազատ ժամանակ օգնում են պետությանը պայքարել գրաքննության հաստատման և պոնոգրաֆիկ բնույթի ֆիլմերի արգելման համար:

Հարավային Կորեայում պոռնոգրաֆիան արգելված է օրենքով: Չնայած դրան՝ տեխնիկապես գիտակ օգտատերերի համար համացանցում այդ կայքերը բավականին հասանելի են: Կառավարությանը դեռևս չի հաջողվում ամբողջովին արգելել հանրությանը նման ֆիլմերի հասանելիությունը:

Վեց ամսվա ընթացքում երկրում պոռնոգրաֆիկ ֆիլմեր տարածելու մեղադրանքով ձերբակալվել է 6400 մարդ:

Երկրի նախագահ Լի Մեն Բակը կարծում է, որ պոռնագրաֆիկ ֆիլմերի տարածումը երկրում հանգեցնում է սեռական հանցագործութունների աճին:

Խոսքի ազատության պաշտպանները, սակայն, չեն կիսում այդ կարծիքը: «Դա ահաբեկչություն է սեքսի նկատմամբ: Աշխարհի ոչ մի երկրում պոռնոգրաֆիայի նկատմամբ արգելքը չի հանգեցրել սեռական բռնությունների նվազեցմանը»,-հայտարարել է Սեուլի համալսարանի գրականության դասախոս, էրոտիկ բովանդակության համար կառավարության կողմից արգելված գրքի հեղինակ Մա Քվանգ Սուն:

Այնուամենայնիվ, վերջին տարիներին սեռական հողի վրա կատարված հանցագործությունների քանակը Հարավային Կորեայում կտրուկ աճել է, չնայած քրեաբանության պետական ինստիտուտից հայտնում են, որ ոչ թե քանակն է ավելացել, այլ պարզապես այդ մասին մարդիկ սկսել են հաճախակի հայտնել:

2010թ. բռնաբարության համար ձերբակալվել է 18 հազար, իսկ տաս տարի առաջ՝ ընդամենը 7 հազար մարդ: