«Ես մտադիր չէի այս երդմնակալությանը հրավիրել օտար երկրների ներկայացուցիչների»․ Պապուաշվիլի

Ընտրողների կոլեգիայի կողմից նախագահ ընտրված Միխեիլ Կավելաշվիլիի երդմնակալությունը տեղի կունենա դեկտեմբերի 29-ին, արարողությունը սկսվելու է ժամը 11:00-ին և կտևի 40 րոպե, գրում է Net Gazeti-ն։

Միջոցառմանը հրավիրված են ընտրական կոլեգիայի կառավարության անդամներ, սահմանադրական մարմինների և Վրաց ուղղափառ եկեղեցու ներկայացուցիչներ։

Ինչպես նշել է երդմնակալության արարողակարգային մասը որոշող Շալվա Պապուաշվիլին, միջոցառմանը հրավիրված չեն դեսպաններ և օտարերկրյա հյուրեր։

«Դեսպանները հրավիրված չեն։ Ես նույնպես մտադիր չէի այս երդմնակալությանը հրավիրել օտար երկրների ներկայացուցիչներին։ Միաժամանակ, իհարկե, դահլիճը որոշակի սահմանափակումներ ունի, բայց սա չէ գլխավորը։ Գլխավորն այն է, որ սա պաշտոնական արարողություն է, որին պետք է ներկա լինեն կոլեգիայի անդամներն իրենք, իսկ սահմանադրական մարմինները նույնպես պետք է ամբողջությամբ ներկայացված լինեն», ասել է Պապուաշվիլին։