Սպիտակի երկրաշարժի զոհերի հիշատակին նվիրված արարողություն Հռոմում
ԱՐԽԻՎ
Դեկտեմբերի 7-ին Սպիտակի երկրաշարժի 24-ամյակի կապակցությամբ Հռոմի Լևոնյան վարժարանում տեղի ունեցավ իտալացի ճարտարապետ Մարիո Մասիմո Սիմոնելլիի «Սպիտակի երկար ձմեռը» գրքի շնորհանդեսը: Գիրքը լույս է տեսել Իտալիայում ՀՀ դեսպանության և «Իտալիո հայոց միության» հովանավորությամբ: Գրքի նախաբանը գրվել է Իտալիայում ՀՀ դեսպան Ռուբեն Կարապետյանի կողմից:
Միջոցառման շուրջ 150 հյուրերի թվում էին Իտալիայի կառավարության փրկարարական ծառայության ներկայացուցիչները, ինչպես նաև իտալացի լրագրողներ:
Մարիո Մասիմո Սիմոնելլին 1988 թվականին Հայաստանում տեղի ունեցած երկրաշարժի առաջին օրերից, շուրջ մեկ տարի ղեկավարում էր Իտալիայի կառավարության կողմից նշանակված փրկարարական և վերականգնողական աշխատանքների առաքելությունը: «Սպիտակի երկար ձմեռը» գիրքը փաստավավերագրական է, որտեղ նկարագրված են ավերիչ երկրաշարժից հետո միջազգային հանրության զորակցությունը Հայաստանին, արտակարգ իրավիճակներում ձևավորված մարդկային փոխհարաբերությունները, երկրաշարժից տուժած հայաստանցիների արժանապատիվ տոկունությունը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
