«Ինդոնեզիա-Հայաստան 2012»՝ «Առնո Բաբաջանյան» համերգասրահում

Ուկրաինայում Ինդոնեզիայի Հանրապետության դեսպանությունը Հայաստանի Հանրապետության մշակույթի նախարարության, Ինդոնեզիայի Հանրապետության զբոսաշրջության և ստեղծագործական էկոնոմիկայի նախարարության և Հայաստանի Հանրապետությունում Ինդոնեզիայի Հանրապետության հյուպատոսության հետ համատեղ՝ ս. թ. դեկտեմբերի 8-ին «Առնո Բաբաջանյան» համերգասրահում կազմակերպել էին «Ինդոնեզիա-Հայաստան-2012» մշակութային ծրագիրը, որը միտված է երկու երկրների միջև մշակութային կապերի զարգացմանը, զբոսաշրջային այցելությունների ակտիվացմանը: «Ինդոնեզիա-Հայաստան-2012» համերգային ծրագրին մասնակցում էին Հայաստանի պետական ֆիլհարմոնիայի ժողովրդական գործիքների անսամբլը և ինդոնեզական «Քորդանա» երիտասարդական համույթը: Ծրագրի շրջանակում «Քորդանա» երիտասարդական համույթը ներկայացրել է արաբական, պորտուգալական և չինական մշակույթների ազդեցությունը կրող «Օնդել-օնդել» Բետավի ժողովրդական երգը, «Տիֆա» և «Գենդանգ» ավանդական թմբուկների միջոցով կատարվող ինդոնեզական ազգային «Տոկի Տիֆա» աշխույժ երաժշտությունը, «հազար ձեռքերով պար» կոչվող Ասեհնական «Սեուդաթի» պարը և այլն:

Ս. թ. դեկտեմբերի 8-ին «Առնո Բաբաջանյան» համերգասրահում «Ինդոնեզիա-Հայաստան- 2012» համերգային ծրագրին նվիրված մամուլի ասուլիսին մասնակցում էին ՀՀ մշակույթի նախարարի տեղակալ Արթուր Պողոսյանը, Հայաստանի Հանրապետությունում Ինդոնեզիայի Հանրապետության արտակարգ և լիազոր դեսպան Նինիեկ Կուն Նարիաթին (նստավայրը՝ Կիև) և Հայաստանի Հանրապետությունում Ինդոնեզիայի Հանրապետության պատվավոր հյուպատոս Երվանդ Ոսկանյանը: