Ակցիա՝ ի աջակցություն Տարոն Մարգարյանի

Քաղաքական հարցերով փորձագետ Տիգրան Աբրահամյանը facebook-ի իր էջում գրել է.

«Դեկտեմբերի 13-ին՝ ժամը 13:00-ին, Երևանի քաղաքապետարանի մոտ տեղի կունենա ակցիա՝ ի աջակցություն Տարոն Մարգարյանի:

Արդեն մեկ տարի է, ինչ Տարոն Մարգարյանը գլխավորում է Երևան քաղաքը և բոլորս համոզվեցինք, որ նա ուղղակի ստեղծված է այդ գործի համար, այսինքն՝ Աստված է նրան ուղարկել մեզ։

Բոլորը գիտեն, թե Մաշտոցի այգին պահպանել են ինքնորոշված քաղաքացիները, այնինչ Տարոնն ի սկզբանե ծրագրել էր այդ տարածքը եդեմական այգի դարձնել՝ ինչպիսին այն այսօր է: Բուտիկներն այդտեղ ծառայելու էին որպես հոգևոր արագ սննդի կետեր և հայեցի հագուստների քարոզի վայրեր: Եվ վերջապես շնորհիվ ամենակարող Տարոնի, այգում տեղադրվեց հայ-վայ համակարգ, որի միջոցով բոլորը կարող են տեսնել Տարոնյաց արգասաբեր գործունեությունը, ինչպես նաև կապ հաստատել վերերկրյա ուժերի հետ:

Այսօր արդեն շատերն ամաչում են, որ Մաշտոցի պուրակում հակառակվում էին Տարոնի կամքին և խանգարում նրան տեղադրել բոլորի համար այդքան ցանկալի բուտիկները՝ չգիտակցելով Տարոնի՝ ի վերուստ լինելը, և օրենքի տառն էին առաջ տանում, այնինչ ի վերջո բոլորը հասկացան Տարոնի գեղագիտական գերակայությունը օրենքից:

Հաշվի առնելով այդ ամենը.

Պահանջում ենք Սերժ Սարգսյանից ներողություն խնդրել մեծն Տարոնից՝ նրան ուղղված «Տարոն ջան, գեղեցի՛կ չէ» բառերի համար, որոնք ստվերել են Տարոնի գեղագիտական արժեքը և ճանաչել Տարոնի ծավալատարածքային ամբողջականությունը Երևանի տարածքում։

Պահանջում ենք Ազգային ժողովից ընդունել տարոնահայերի ազգային ինքնորոշման իրավունքը և ճանաչել նոր քաղաք պետության՝ Տարոնավանի անկախությունը նախկին Երևան քաղաքի տարածքում:

Պահանջում ենք Գարեգին Բ-ից օծել Տարոնին Տարոնավանի արքա, իսկ Նավասարդ Կճոյանին կարգել նրա հոգևոր վարորդ՝ իր սուրբ Բենթլի մեքենայով։

Այսուհետ Տարոնին դիմել Ձերդ Չափազանցություն, շնորհել բոլոր հնարավոր շքանշանները և կարգել Մարգարաց Տարոն 1-ին Գեղեցիկ արքա։

Պահանջները չկատարելու դեպքում մենք ձեզ կայրենք Դժողքի կրակներում:

«Մեկ Տարոն» կուսակցությունների դաշինք
«Տարոն Մարգարյան» հայրենակցական միություն
«Չե՛նք ներելու» գեղեկցության սրահ
«Աներձագների իրավունքների պաշտպանություն» ՀԿ
«Երևանյան պինգվիններ» անանուն զոոֆիլների ակումբ
«Մի երկու կուրծք» ռուս կաթնարտադրողների արհմիություն
«Տանեմ Տարոնենց տուն» առաքելական տաքսի սերվիս
«Գեղեցիկ է» ավանդական բուտիկ
«Ավանի ձայնազուրկներ» ասոցիացիա
«Քարտաշ տարոնականներ» գերագույն օթյակ
Բոլոր 3 Շռեկերը»: