Ինչպիսի հույսեր է ներշնչում 12.12.12-ը

Թվերի անհավանական համընկնումները կրկնվում են արդեն 12 տարի. այդ համընկումները սկսվում են 01.01.2001-ից: Թվերի այսպիսի ամեն համընկնումից մենք սպասում էինք ինչ-որ անհավանական բան: Այսպես՝ 06.06.06-ի ժամանակ մարդիկ վախենում էին, որ կծնվի Հակաքրիստոսը, 07.07.07-ին սպասում էին, որ կիրականանա ինչ-որ անսպասելի երջանկություն, 09.09.09-ը հաճելի փոփոխությունների հույս էր ներշնչում:

12.12.12. «ոսկե համարները» վերջանում են, քանի որ 13.13.13 այլևս չի լինելու:

Թվաբանության համաձայն՝ նմանատիպ թվերի վերլուծությանը կարելի է երկկողմանի մոտեցում ցուցաբերել: Եթե այն գրել 12.12.12 (1+2+1+2+1+2), ապա թվերի գումարը կկազմի 9, իսկ 9 թիվը, համաձայն 16-րդ դարի աստղագետ և փիլիսոփա Հենրի Կորնելիուսի, հաջողության և հարստության խորհրդանիշ է: Իսկ եթե թվերը գումարենք այսպիսի հաջորդականությամբ՝ 1+2+1+2+2+0+1+2, ապա կստացվի 11 սուրբ թիվը: Թվաբաններն այդ թիվն անվանում են «հրաշք թիվ», որը խոստանում է դրական մեծ փոփոխություններ մարդու և երկրի կյանքում: Այդ պատճառով շատ զույգեր ջանում են իրենց ամուսնությունը կատարել հենց այդ ամսաթիվն, և թվաբանները խրախուսում են նրանց, քանի որ այն կբերի սեր, հաջողություններ և բարիք նոր կազմավորվող ընտանիքին:

Բացի այդ, թվաբանները նշում են, որ այդ պահին մարդկանց մոտ բացահայտվում են թաքնված տաղանդներ:

Հետաքրքիր է, որ թվերի գեղեցիկ համընկում սպասվում է նաև դեկտեմբերի 20-ին (20.12.2012), եթե հաշվի չառնենք մայաների կողմից աշխարհի վերջի գուշակությունները:

Թվաբանները խորհուրդ են տալիս դեկտեմբերի 12-ից 13-ին անցնելու պահին երազանք պահել. դրա իրականացման հավանականությունը զգալիորեն մեծ կլինի: